Notísia foun


DILI—Porta-vóz Koligasaun foun CNRT, PD, KHUNTO, UDT, FM ho PUDD, António da Conceição alias Kalohan lori ona dokumentu kona-ba rejultadu konferénsia husi partidu neen nian ba entrega ba Prezidente Repúblika Francisco Guterres Lú Olo.

Kalohan entrega ofisialmente dokumentu ne’e ba gabinete prezidénsia repúblika iha loron Tersa (10/03/2020).

Kalohan ba Jornalista sira haktuir, nia rasik marka ona audensia ho prezidente republika hodi hasoru malu nune’e bele hetan solusaun lalais no iha governu ida ne’ebe bele foku ona ba dezenvolvimentu nasional.

“Koligasaun ne’ebé maka lidera husi Prezidente NRT, Kayrala Xanana Gusmão, depoisde loron 6 fulan ne’e, mai hasoru-malu ho Prezidente Repúblika Francisco Guterres Lú Olo, hodi aprezenta koligasaun hafoin diálogu ne’ebé mak halo entre Prezidente Repúblika rasik ho Prezidente Koligasaun, ami fila no ami kompleta ona rekezitu ne’ebé maka Prezidente Repúblika husu liuliu ligadu ba konferénsia kada partidu polítiku ninian. Tanba hahú kedas iha loron 7 fulan ne’e, hotu-hotu realiza tiha ona konferénsia mak ohin ne’e mai submete fali karta pedidu audiénsia ba Prezidente Repúblika hodi konfirma tan dala ida koligasaun ninia disponibilidade, atu forma IX Governu Konstitusionál,” António subliña ba Jornalista sira hafoin entrega karta audiénsia.

Prezidente Republika mak sei deside loron no oras ba sorumutu nian. (cao)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,125
  • Page views today : 1,455
  • Total visitors : 84,972
  • Total page view: 119,262

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur