Notísia foun


DILI—Paridu Kmanek Haburas Unidade Nasionál Timor Oan (KHUNTO) liuhosi Kongresu Nasionál daruak deklara integra ho koligasaun foun ne’ebé inklui CNRT, PD, UDT, FM ho PUDD, tanba lakohi lakon responsabilidade moral no polítika hodi defende sentidu estadu.

“Partidu KHUNTO liuhosi Kongresu Nasionál nian desde liuhosi rezolusaun númeru 4-Kongresu Nasionál Partidu KHUNTO ninian iha 2020 hodi hola-parte integramente koligasaun polítiku hamutuk ho partidu polítiku asentu parlamentár sira hodi bele viabiliza formasaun IX Governu tuir matadalan Konstituisaun RDTL,” Prezidente Partidu KHUNTO, Armada Berta dos Santos afirma liuhosi konferénsia imprensa iha ámbitu kongresu nasionál iha Sentru Konvensaun Dili (CCD sigla Portugés), iha loron Domingu (08/03/2020).

Pozisaun ida KHUNTO foti hodi fó resposta ba preokupasaun Prezidente Repúblika Francisco Guterres Lú Olo nian ba legalidade koligasaun foun ne’ebé preparadu ba formasaun governu dasia.

Desizaun hanesan hala’o ona husi partidu sira koligasaun foun mak hanesan CNRT, PD, UDT. Hela tan partidu Frenti Mudansa ho PUDD. Tuir planu koligasaun foun sei informa hikas ba prezidente repúblika iha semana daruak fulan Marsu 2020. (cao)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,189
  • Page views today : 1,703
  • Total visitors : 80,441
  • Total page view: 112,784

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur