Notísia foun


DILI—Konsellu Polítika Nasional (CPN sigla Portugués) partidu CNRT hahú prepara ajenda rua mak hanesan, hala’o konferénsia hodi deklara inezisténsia iha Aliansa Mudansa ba Progresu (AMP) versaun CNRT, PLP ho KHUNTO, no aprova konfigurasaun koligasaun foun ho PD, KHUNTO, UDT, FM ho PUDD, ne’ebé asina ona akta koligasaun iha loron 22 Fevereiru 2020.

Asaun ne’e hala’o hodi fó resposta ba preokupasaun Prezidente Repúblika Francisco Guterres Lú Olo nian ba legalidade koligasaun foun ne’ebé prienxe ona maioria parlamentar hodi forma governu dasia.

Fonte kredivel iha CNRT haktuir ba Timor Post katak, konferénsia ne’ebé sei hala’o iha loron hirak mai sei partisipa husi delegadu CNRT husi munisípiu hotu no RAEOA.

Hafoin konferénsia, CNRT sei konfirma pozisaun iha koligasaun foun no ba rejistu iha tribunál rekursu hafoin partidu sira seluk iha koligasaun foun halo mós konferénsia hanesan nune’e indijita primeiru ministru foun no aprejenta ba prezidente repúblika hodi halo nomeasaun.

Hafoin ne’e maka primeiru ministru ho baze artigu 106 forma nia estrutura governu no aprejetan ba prezidente repúblika no simu posse.

Tuir informasaun partidu ne’ebé halo ona konferénsia maka PD. Partidu neen iha koligasaun foun sei la halo konferénsia hamutuk. Partidu ida-idak mak halo de’it konferénsia no ho baze ba asinatura akta koligasaun iha 22 Fevereiru 2020.

Entretantu koligasaun foun CNRT, PD, KHUNTO, UDT, FM ho PUDD lidera husi Kayrala Xanana Gusmao ba hasoru ona Prezidente Republika Francisco Guterres Lu Olo iha Palasiu Prezidensial iha loron Sesta (06/03/2020). Maibe tanba Lu Olo tau kestaun ba legalidade koligasaun ne’e nian tuir lei partidu politiku nian katak koligasaun bele forma hafoin konferensia maka agora iha faze preparasaun ba legalizasaun koligasaun foun. (cao)

Please follow and like us:

NOTÍSIA FOUN

Site Statistics

  • Users online: 7 
  • Visitors today : 1,172
  • Page views today : 1,728
  • Total visitors : 71,178
  • Total page view: 98,222

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur