Notísia foun

António Verdiál de Sousa

DILI— Partidu Kmanek Haburas Unidade Nasionál Timor Oan (KHUNTO) iha ona ajenda ba kongresu nasionál daruak nian ne’ebé sei hala’o loron tolu hahú iha Sexta (06/03/2020), iha sede nasionál, Manleuana, Dili.

Pontu tolu ne’ebé kongresista husi minisípiu 12 no RAEOA ne’e sei diskuti no desidi ne’e maka halo revizaun ba estatutu partidu nian, aprova planu estratéjiku no hili estrutura foun ba periodu tinan haat nian.

Vise Prezidente Dahuluk KHUNTO, António Verdiál de Sousa haktuir, konsellu nasionál partidu nian estabelese ona komisaun ho despaixu Nu. 25/KLN/P. KHUNTO/II/2020 hodi halo preparasaun tomak ba eventu importante ida ne’e.

António subliña, kongresu maka órgaun a’as liu iha partidu. Nune’e, nia afirma, desizaun hotu ne’ebé sei hasai maka nu’udar matadalan ba líder nasionál to’o baze sira halo tuir.

Tema ne’ebé KHUNTO foti iha kongresu nasional daruak ne’e maka “KHUNTO Moris no fó Moris. Parseiru ba Dezenvolvimentu no Unidade Nasionál”.

Ba Jornalista sira iha Sede Nasionál, iha loron Tersa (03/03/2020), António hatutan partisipante sira mai mós hosi organizasaun filiadu hanesan Organizasaun Klibur Intelektuál no Professional, Klibur Feto Kmanek Haburas Unidade Nasionál Timor Oan no Organizasaun Juventude Partidu nian.

António dehan, iha kongresu ne’e mós hetan observadór hosi internasionál no nasionál rasik, partidu polítiku, ONG nasionál no internasionál, universitáriu no péritu lei nasionál no internasionál.

António mós husu ba delegadu sira ne’ebé mak sei halo viajen hosi munisípiu mai kapitál Dili hodi tuir kongresu nasionál atu kumpre lei no labele hakilar ou viva tuituir dalan tanba ne’e la’ós tempo kampaña eleitorál. (ato)   

Please follow and like us:

NOTÍSIA FOUN

Site Statistics

  • Users online: 3 
  • Visitors today : 940
  • Page views today : 1,324
  • Total visitors : 80,192
  • Total page view: 112,405

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur