Notísia foun


DILI- Grupu Arte Moris (GAM) hahu produs estátua ho rai metan maibé rai metan ne’ebé iha kualidade diak.

Membru senior GAM,  Goris Gregorio ba diariu Timor Post iha edifisiu Arte Moris Beto Barat, kinta (27/02) hatete atu produs estátua ho rai tenke identifika didiak tahu dodok ne’ebé kualidade diak maka tenke kee tahu dodok lori mai pineira tiha mak foin halo estátua.

Goris Gregorio  dehan prosesu hahu buka rai metan ne’e tenke lori mai pineira sai ut depois mak halo estátua, maibé kuandu ema boot ruma hakarak produs foto bele, maibe depende ba kreatividade ne’ebé iha.

Nia dehan ninia prosesu hahu uza rai metan no dala ruma uza lilin no ventunas,  kipsu no buat seluk ne’ebé relasiona ho prosesu estátua nian. Ho ida ne’e, tenke iha konsentrasaun lolos atu nune’e buat sira ne’e tenke sai duni realidade.

“Ami produs estátua ne’e la uza tinta maibé uza   tahu dodok maibé ami sei identifika rai metan no tahu dodok ne’ebé iha kualidade diak,” dehan Goris.

Nia mos dehan tan katak inisiativu atu produs estátua ne’e tuir kreatividade ne’ebé mak nia aprende husi formasaun ne’ebé nia tuir aprende iha eskola Sangar Ohah Semi Bandung (SOSB) iha tinan 2019 nia laran.

Nia konta iha futuru   iha planu atu halo estátua tuir igreja nian ka lideransa ruma ne’ebé hakarak atu halo sira nia imajen.   “Agora dadaun ami sei indentifika hela tahu dodok iha Taibesi ne’e ami lori mai pineira depois mak  produs estátua tuir ami nia kreatividade ne’ebé mak iha. Nomos  iha futuru ami sei ba munisipiu Lautem hodi identifika tan tahu dodok ne’ebé iha kualidade diak hodi lori mai produs tan estátua,” dehan Goris.

Nia afirma durante produs estátua ne’e fulan ida maibé depende deit ba   vontade no tahu ne’ebé sira  identifika ba kualidade depois produs estátua ne’e bele to’o fulan dala ruma to’o semana rua ka tolu.

Ikus liu nia husu ba governu liu husi SEAK bele tau mós konsiderasaun nafatin ba grupu arte sira ne’ebé iha kreatividade oi-oin hanesan pintura, ukir, eskultura, muzika, no seluk tan ne’ebé relasiona ho arte kultura sira seluk. (MJ1)

Please follow and like us:

Site Statistics

  • Users online: 1 
  • Visitors today : 1,217
  • Page views today : 1,690
  • Total visitors : 147,969
  • Total page view: 212,318

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur