Notísia foun


DILI—Prezidente Repúblika Francisco Guterres Lú Olo apresia ho Parlamentu Nasionál tanba kontinua funsiona maske iha diverjénsia polítika iha rai laran.

Lú Olo hato’o nia apresiasaun ne’e ba Prezidente Parlamentu Nasional (PPN), Arão Noé de Jesus bainhira sorumutu seminal iha loron Kuarta (19/02/2020), iha Palásiu Prezidensiál, Bairro-pité, Dili.

“Sua Exelénsia Prezidente Repúblika apresia tanba mezmu iha diverjénsias polítikas ne’ebe ita atravesa hela mas Parlamentu (Nasionál) hanesan segundu orgaun (soberania) funsiona nafatin ho di’ak,” haktuir Arão iha komunikadu ba imprensa ne’ebé Timor Post asesu husi Palásiu Prezidensiál.

Arão hatete, Parlamentu Nasionál kontinua funsiona ho di’ak, hafoin rejeisaun Orsamentu Jerál Estadu 2020 iha fulan-janeiru liuba.

Tuir Arão, atividade sira Parlamentu Nasionál nian hanesan plenária, halo fiskalizasaun, halo audiénsia no atividade sira seluk la’o nafatin tuir oráriu ne’ebé iha.

Nia akresenta liuta katak “Prezidente husu nafatin atu deputadu sira hotu-hotu bele kontribui, mantein, hodi ita estabeliza fali situasaun polítika ne’ebé agora dadauk la’o”. (*/cao)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,236
  • Page views today : 1,797
  • Total visitors : 81,903
  • Total page view: 114,925

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur