Notísia foun

Ministru Reforma Lejizlativa no Asuntus ParlamentaresFidelis Manuel Leite Magalhães. Imajen Antonio Goncalves

DILI—Governu daualu liuhusi Konsellu Ministru aprova ona rezolusaun governu ne’ebé aprezenta husi Primeiru Ministru Taur Matan Ruak, reativa Grupu Arte Marsiál (GAM) iha Timor-Leste.

Revogasaun ba rejoluzaun governu nú.16/2013, iha loron 10 fulan-jullu, kona-ba bandu GAM ne’e, intrui mós Polísia Nasionál Timor Leste atu intensifika asaun kombate krime sira kona-ba prátika ilísitu husi arte marsiál no ritual sira.

Grupu Arte Marsiál hirak ne’ebé durante ne’e governu bandu halo atividade mak hanesan, PSHT, KORK no IKS.

Hafoin aprovasaun ba revogasaun ba rejolusaun ne’e iha loron Kuarta (19/02/2020), Ministru Reforma Lejizlativa Asuntu Parlamentár (MRLAP), Fidelis Leite Magalhães, ba Jornalista sira klarifika, ho desizaun ne’e GAM bele prátika ka hala’o hikas sira nia atividade maibé tenke kumpre lei Nú.5/2017 kona-ba arma branka.

“Saida mak rezolusaun hatuur, rezolusaun dehan katak arte marsiál bele prátika maibé tenke kumpre lei númeru 5 (Nú.5/2017),” Fidelis ba jornalista sira hafoin reuniaun iha Palásiu Governu, Dili, Kuarta (19/02/2020). (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 171
  • Page views today : 194
  • Total visitors : 238,360
  • Total page view: 344,314