Notísia foun


DILI—Posibilidade Timor Leste taka nia embaixada husi nasaun hamutuk 32 liuliu iha rejiaun Áfrika, tanba haree husi reciprocidade nasaun hirak ne’e nia embaixada laiha rai laran maibé kobertura de’it husi Jakarta no Singapura.

Prezidente Komisaun B iha Parlamentu Nasionál ne’ebé trata ba assuntu Negósiu Estranjeiru, Defeza no Seguransa, Adérito Hugo da Costa esplika, prinsípiu reciprocidade katak tenke iha balansu tratamentu. Katak, Timor Leste estabele nia embaixada iha nasaun ida, nasaun ne’e nia embaixada mós tenke estabelese iha Timor Leste.

Tanba ne’e, Adérito subliña, Komisaun B halo hela akompañamentu ba prosesu ida ne’e, maibé kompeténsia ba desizaun hotu mai husi governu liuliu MInistériu Negósiu Estranjeiru no Kooperasaun (MNEK) liuhusi avaliasaun ne’ebé ministériu ne’e iha.

Adérito hatete, durante ne’e nia parte akompaña misaun diplomata Timor Leste nian iha nasaun hotu iha mundu liuliu ba nasaun hamutuk 32 ne’ebé  Timor Leste estabelese ona nia embaixada.

“Ami akompaña hela planu misaun diplomata Timor nian iha liur. To’o agora ita iha misaun diplomata Timor nian iha liur ne’e iha 32 misaun diplomata,” Adérito ba jornalista sira iha Parlamentu Nasionál, Kinta, (13/02/2020).

Tuir dadus, Timor Leste to’o tinan 2016 konsege estabelese ona embaixada iha nasaun 28 no konsultadu haat. Embaixada no konsuladu hirak ne’e estabelese iha rejiaun Ázia, Pasífiku, Amerika, Áfrika no seluk tan. (flo)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,054
  • Page views today : 1,345
  • Total visitors : 84,901
  • Total page view: 119,152

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur