Notísia foun


DILI—Konsilleru ba Feto iha Partidu Libertasaun Popular (PLP), Bella Galhos fó rajaun sai husi partidu lideradu Taur Matan Ruak ne’e ba hamutuk fali ho Partidu FRETILIN, tanba PLP la rekoñese no izola nia maske durante ne’e nia mós fó an, rekursu hotu i osan hodi haboot.

Bella subliña, nia hili hikas FRETILIN nu’udar partidu ida ne’ebé preparadu liu atu hakuak nia ema sira sein haree ba ema nia diferénsia.

“Ha’u tama partidu polítiku atu hato’o ha’u nia aspirasaun sira, i halo kontribusaun ba dezenvolvimentu rai i povu ida ne’e, FRETILIN fó espasu i oportunidade ba nia militantes tomak, ne’ebé ha’u lasente iha PLP,” Bella hatete ba Timor Post hafoin ba hasai kartaun militante FRETILIN iha Comite Central FRETLIN (CCF) no hasoru malu kedas ho Sekretáriu Jerál FRETILIN, Marí Bim Amude Alkatiri ho Adjuntu José Reis.

Bella foti ezemplu ne’ebé PLP la halo ba nia hanesan Partidu Demokrátiku (PD), ne’ebé nia agradese tanba rekoñese nia nu’udar fundadora ida maske nia tonka partidu ne’e iha oras de’it.

“PD rekoñese ha’u nu’udar fundadora mezmu ke ha’u tonka sira iha oras de’it. PLP la koñese i izola ha’u, mezmu ke ha’u fó ha’u nia an, fó rekursu i osan, ha’u nia servisu i tane. Ha’u mai hosi jerasaun rezisténsia i mate restu, semper prontu lori timor ba oin, iha fatin ida la simu, buka fatin ne’ebé simu i rekoñese,” Bella afirma. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 182
  • Page views today : 214
  • Total visitors : 240,078
  • Total page view: 346,366