Notísia foun


DILI-Governu Timor-Leste liuhosi Ministériu Negósiu Estranjeiru no Kooperasaun (MNEK) felisita governu no povu Nova Zelândia ne’ebé oferese Aviaun evakua timoroan na’in-17 iha sidade Wuhan, Xina ne’ebe hetan atake maka’as husi virus Corona.

Ministru Negósiu Estranjeiru no Kooperasaun, Dionísio da Babo, hateten, agora daudaun bolseiru timoroan hirak ne’e iha ona dalan, ne’ebé orasida tuku 2 (05/02/2020) sira too Auckland.

Estudante hirak ne’e hamutuk ho sidadaun timoroan sira seluk sei halo observasaun durante semana rua hafoin haruka liu mai Timor-Leste.

“Lori governu nia naran hakkarak hatoo agradesimentu boot ba governu nova Zelândia liu-liu na primeira ministra, vise-primeiru ministru no ministru negosiu estranjeiru no povu nova Zelândia tomak tanba tempu difisil sira ajuda ida.,” informa Dionísio ba jornalista sira hafoin remata reuniaun iha palasiu governu, kuarta (05/02).

“Ami mós hatoo solidaridade ho simpatia ba governu Xina ba situasaun ne’ebé sira hasoru hela no kontinua koopera nafatin ho Timor-Leste hanesan pais amigu ida”. Dehan ministru

Tanba ne’e, ministru Dionísio Babo husu ba povu Timor-Leste tomak liu-liu nan-aman sira atu akompaña de’it tanba estudante sira iha faatin di’ak para depois too semana rua bele haruka sira mai Timor.

Mediku iha nova Zelândia avansadu tebes iha mundu ne’ebé ita halo tuir de’it enkuantu sira dehan di’ak ona agradese boot.

Agora presiza mak kontrola iha rai-laran, maibé ministru husu nafatin ba maluk Xineza inklui timoroan sira ne’ebé mai semana rua ona.

Tenke aprezenta an iha Hospital nasional Guido Valadares para halo monitorizasaun ka kontrolu sira nia saude.

“Ne’e la’ós buat aat maibé atu salva ita nia saude rasuk. Ema balu dehan ita ko’alia hanesan ne’e sira dehan katak hanoin aat maibé moras korona perigu tebes”. Nia menta

Tanba virus korona perigu tebes ani huu mai de’it kuandu horon kona bele afeta tanba moras ne’e la’ós halimar. (kyt)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 86
  • Page views today : 98
  • Total visitors : 240,263
  • Total page view: 346,588