Notísia foun


DILI— Eis Prezidente Repúblika Kayrala Xanana Gusmão fi’ar Governu Repúblika Indonézia bele ajuda Timor Leste atu prevene virus Corona ne’ebé hahú mosu iha sidade Wuhan, Xina iha fulan dezembru liu ba no agora sai preokupasaun mundiál.

Xanana hatete, Timor Leste seidauk iha fasilidade sufisiente hodi halo prevensaun ba virus ne’ebé tuir dadaus hamate ona ema kuaze atus tolu iha sidade Wuhan. Tanba ne’e, relasiona ho timoroan na’in 17 ne’ebé governu Timor Leste tenta hela evakuasaun, Xanana hein katak Indonézia bele permite hela karantina iha Provínsia Bali hodi halo izolamentu hafoin tama Timor Leste.

“Ami laiha fasilidade, laiha buat ida. Tanba ne’e, ami husu sé bele, hanesan mós nasaun sira seluk,” Xanana subliña iha entrevista ho Jornalista sira hafoin Xefe Negosiador Prinsipál Fronteira Tasi no Rai ne’e hasoru malu ho Ministru Koordenador Assuntu Polítika no Seguransa (Menko Polhukam) Mahfud Md iha Edefísiu Ministériu ne’e nian iha JL Medan Merdeka Barat, Jakarta Sentral, Tersa (04/02/2020).

Hanesan sita iha Detik.com, Xanana klarifika, sorumutu ho Mahfud la ko’alia kona-ba assuntu virus Corona. Maibé tanba Ministériu Negósiu Estranjeiru no Kooperasaun Timor Leste nian hato’o ona pedidu ba Indonézia hodi husu sira nia karantina, maka Xanana hatan de’it ba Jornalista sira ho fi’ar katak Indonézia bele kompriende Timor Leste nia situasaun.

“Ida ne’e buat ne’ebé (preokupasaun) global, la’ós Timor Leste ho Indonézia. Ha’u fi’ar katak tanba Indonézia iha kapasidade ne’ebé boot liu ami, sei ajuda ami ba situasaun ida ne’e,” Xanana hatete.

Antes ne’e governu Timor Leste liuhusi MNEK hato’o ona pedidu ba governu Indonézia liuhusi Autoriedade iha Provínsia Bali atu prepara hela karantina atu atende timoroan na’in 17 ne’ebé atu evakua husi Provínsia Wuhan, Xina ne’ebé infrenta virus Corona.

Antes ne’e, Adjuntu Governador Bali, Tjokorda Oka Artha Ardana Sukawati ba Jornalista sira hatete, nia parte simu duni ona pedidu husi Timor Leste ne’e no sei prosesa hela. (cao)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,434
  • Page views today : 2,301
  • Total visitors : 71,440
  • Total page view: 98,795

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur