Notísia foun


DILI—Kandidatu Estudante hamutuk na’in 4.211 maka hetan aprovasaun hodi asesu ba Universidade Nasional Timor Lorosa’e (UNTL) iha tinan 2020. Husi númiru ne’e, na’in 195 maka asesu ba Institutu Politékniku Betano ne’ebé pretense mós ba universidade públiku.

Entretantu totál kandidatu estudante ne’ebé la hetan aprovasaun asesu ba UNTL hamutuk na’in-17.849.

Prezidente Komisaun ba Asesu Ensinu Superiór (KAES), Maria Filomena Lay Guterres esplika, iha salaun MESSK, Kolmera, Dili, Sesta (31/01/2020) katak, estudante ne’ebé asesu ba UNTL ho rejime jéral hamutuk 3.045, rejime espesiál kategoria ba oportunidade 584, inklui F-FDTL, PNTL, Defisiente, Veteranu, Desportista hamutuk na’in 387; husi total 4.016.

Nia hatutan, sira ne’ebé asesu ba Institutu Politékniku Betano (IPB) husi rejime jéral 156, rejime espesiál kategoria oportunidade hamutuk 19 inklui F-FDTL, PNTL, Defisiente, Veteranu, Desportista hamutuk na’in 20.

Diretora Jerál ne’e subliña, prosesu selesaun ne’e realiza liuhusi aprovasaun diploma ministérial númeru 20/2019 iha loron 7 Agostu. (cao)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 538
  • Page views today : 710
  • Total visitors : 77,914
  • Total page view: 109,175

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur