Notísia foun

160615-N-QW941-170 DILI, Timor Leste (June 15, 2016) Timorese enter and exit the main corridor of Guido Valadares National Hospital. At the hospital, Pacific Partnership 2016 participants worked side-by-side with local health care providers to learn from each other, gain experience and increase one another’s medical knowledge. This year marks the sixth time the mission visited Timor Leste since its first visit in 2006. Medical, engineering and various other personnel embarked aboard USNS Mercy (T-AH 19) are working side-by-side with partner nation counterparts, exchanging ideas, building best practices and relationships to ensure preparedness should disaster strike. (U.S. Navy photo by Mass Communication Specialist 3rd Class Trevor Kohlrus/Released)

DILI—Diretór Klínika Hospitál Nacional Guido Valadares (HNGV), Doutor Flávio Brandão, haktuir, nia parte kontinua asegura membru FALINTIL-Forsa Defeza Timor Leste (F-FDTL) na’in-rua iha sala izolamentu durante loron lima tan.

Doutor Flávio klarifika, HNGV foti medida ida ne’e hanesan medida prevensaun tanba membru na’in-rua ne’e foin fila husi Provínsia Wuhan, Xina.

Nune’e, nia esplika, la signifika membru na’in-rua ne’e hetan ona virus Corona, tanba bainhira sira ho voluntariamente ba halo revista iha HNGV, no doutor sira fó sai rejultadu katak sira nia situasaun la hatudu sintoma virus Corona.

Doutor Flávio hatete, hafoin virus Corona sai preokupasaun mundiál, HNGV mós prepara ona fatin izolamentu ba ema ne’ebé mak karik afeta moras Corona virus.

Nia haktuir tan kona-ba membru F-FDTL na’in-rua, sira ba tuir duni treinamentu ida iha Povínsia Wuhan molok virus ne’e kontese, sira sai ona husi Xina mai Timor Leste.

“Tanba ne’e mak ita sura sidauk to’o iha loron sanulu resin haat faze inkubasaun virus ne’e nian, entaun sei ativu hela. Tanba ne’e mak ita izola atu nune’e minimiza risku kuandu sira lori ho virus ne’e hotu karik,” Nia hatutan.

Tuir informasaun membru F-FDTL na’in-rua ne’e, fila husi  treinamentu iha sidade Wuhan Xina, iha loron (19/01/2020). No kuarta (29/01/2020), sira ba halo revista no HNGV asegura iha fatin izolamentu ne’ebé preparadu.

Entretantu Ekipa Médiku Xinéz iha Timor Leste aplika tiha ona medida izolamentu ba sidadaun sira husi Xina ne’ebé tama iha rai laran. Bainhira sira hetan revista iha aeroportu, portu no fronteira rai sira, tama iha rai laran tenke izola iha ida-idak nia uma durante loron 14 mak foin bele sai ba fatin públiku.

Liuhusi konferénsia ba imprensa, ne’ebé hala’o iha HNGV, Kuarta (29/01/2020), Porta-vós, Ekipa Médiku Xinéz iha Timor Leste, Huang Dan, subliña, objetivu husi izolamentu ne’e prevene virus Corona da’et ba ema timoroan sira no ema seluk ne’ebé hela iha Timor Leste.

Huang dehan, inisiativa ida ne’e sai hanesan atitude ida ne’ebé responsavel no bele kontribui ba iha saúde no seguransa publiku. Ida ne’e medida prevensaun atu ema hotu prátika iha komunidade internasionál.

“Ami lansa inisiativa ba sidadaun Xinéz iha Timor Leste, atu izola durante loron 14 iha Timor Leste bainhira fila husi Xina mai. No iha períodu ida ne’e labele partisipa iha han hamutuk, labele simu bainaka, labele ba fatin públiku. Tenke uza Máskara no evita kolia oin hasoru malu iha distánsia ne’ebé mak besik. No durante períodu izolamentu ne’e, prestasaun atensaun ba limpeza no higene ambiente uma nian no kontrola temperatura isin. Se sente sintoma isin manas no difikuldade ba dada is no mear, tenke uza Máskara no imediatamente ba Ospitál.” Huang informa.

Huang fó hanoin katak, iha fulan Dezembru 2019, sidade Wuhan provínsia HuBei, kontinua deskobre pasiente husi kazu pneumonia ne’ebé infetada husi koroña virus ho propagasaun husi epidemia rejiaun seluk iha Xina nian no exterior deskobre hotu kazu ida ne’e. Moras ne’e agora inklui mós ba moras infesioza husi klase B,  ne’ebé estipula iha lejizlasaun ba prevensaun no kontrola moras infesioza iha repúblika popular Xina komesa toma ona medida prevensaun no kontrola ba moras infesioza husi klase A.

Agora iha provínsia iha tolu nulu komesa fó resposta ba primeiru nivel prinsipál iha emerjénsia saúde publika. Governu Xina halo esforsu atu impede epidemia atu nune’e labele espalla no garante saúde seguransa ema nian.

Nia dehan, Corona Virus foun ida ne’e, antes ne’e nunka hetan iha saúde ema nian no virus ne’e kauza surtu husi pneumonia iha Wuhan iha Dezembru 2019. No organizasaun mundiál saúde deskobre virus Corona foun ne’e ho hanaran 2019-nCov.

Nia hatete, tuir analiza husi sentru ba prevensaun no kontrolu ba moras iha Xina, konfirma ona katak, virus corona foun ne’e, tranzmite Goticulas ou Contato. Maiske moras ne’e nia Origen la klaru no nia iha kapasidade atu esplla ba ema no virus ne’e espalla iha insitasaun medika no komunidade.

Corona virus foun ida ne’e, atualmente la iha aimoruk no vasina ba prevensaun no jeralemente la iha aimoruk espesífiku, exeptu moras oituan sira hanesan gripe. Sentru ba prevensaun no kontrolu ba moras lansa ona projetu ba peskiza vasina nian, maiske atuál ne’e iha médiku espesífiku ba tratamentu, relasaun ho moras foun  Coronavirus no Governu Xina divulga ona planu ofisial diagnóstiku no tratamentu. Tuir planu atuál konvinadu ho atuál situsaun husi tratamentu, númeru ba pasiente infetadu sira ne’e kuradu aumenta siginfikativamente.

“Corona virus ne’e da’et ba ema, liu husi Kontaktu estreitos, hanesan kontaktu ho pasiente, lao hamutuk iha karreta ida, hela hamutuk iha sala, hela hamutuk iha uma sein iha medida protesaun, hanesan uza Máskara, ida ne’e deskobre depende ba professional saúde halo tiha investigasaun epidemiologica.” Huang afirma.

Ikus liu, Huang apela ba povu Timor-Leste atu toma kuidadu, hanesan fase liman loroloron, prestasaun atensaun higene pesoál, uza Máskara, halo ezersisiu no haforsa imunidade, fahe tempu no deskansa sufisiente nune’e evita ita nia imunidade isin labele tun. Alende ne’e ba lalais ospitál kuandu sente isin manas no difikuldade ba respirasaun no  lalika pániku.

“Ami mós informa ona ba governu no toma ona media ativa  ba prevensaun no kontrolu. Ekipa Medika Xina nian mós koopera ativamente ho ministériu saúde no Ospitál nasionál Guido Valadares, atu halo esforsu hothotu,  nune’e garante saúde povu Timor Leste.” Huang subliña. (jry)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 83
  • Page views today : 95
  • Total visitors : 240,260
  • Total page view: 346,585