Notísia foun


MANUFAHI–João Soares husi aldeia Rotuto, Suku Duku Rai, Postu Administrativu Letefoho, Munisipíu Ermera, moris iha loron 14 fulan-Juñu tinan 1970, ho nia oan no manefoun ba servisu projetu ida iha Aldeia Selihasan, Suku Betano, Postu Administrativu Same, Munisípiu Manufahi.

Iha loron Sesta (24/01/2020), iha oras mais menus tuku 07 João haruka nia mane foun nia maun ba sosa tua sabu aqua ki’ik ida hodi hamutuk entre matebian ho mane foun sira inklui badaen sira seluk ne’ebé mai hamutuk halo serbisu hemu. Antes hemu tua matebian haruka mane foun ho ninia oan mane hamanas tiha na’an meudia ne’ebé haan la hotu atu nune’e atu lori hemu tua.

Nune’e, iha loron Sábadu, (25/01/2020) dadersan, Ricado de Jesus do Carmo Maia nu’udar mane foun haktuir kronolojia husi akontesementu katak, sira rasik la hatene derepente de’it tanba iha tuku 06 dadersan oras OTL matebian sei hader hela ba tiha haris fatin fila mai karega tiha ninia telefoni hafoin mai toba fali.

“Matebian toba kleur oitoan tiha hafoin i’is sae bo’ot halo matebian hakilar dala ida de’it i’is kotu kedas no halo malirin kedas” haktuir Ricardo ba Timor post iha fatin akontesementu, aldeia Selihasan, suku Betano, postu administrativu Same, Sábadú, (01/25/2020).

“Antes ne’e tiu matebian sofre ona moras tensaun maibe la lori halo tratamentu saúde, maibe ho matebian ninia mate lahatene atake hosi moras tensaun tanba seidauk halo identifikasaun no dala ruma destinu balun mak hanesan mós ita lahatene” nia hatene.

Nia hateten, matebian ho mane foun no sira seluk mai iha aldeia Selihadan, suku Betano, postu administrativu Same durante semana 1 loron 2, durante ne’e matebian kondisaun di’ak hela laiha buat ida maibe to’o akontesementu ne’e akontese lahatene.

“Maibe hori kalan ami hemu tua hamutuk di’ak hela maibe ohin dadersan hader mai sei karega tiha nia telefoni mai toba to’o mate liu tiha de’it tiu nia oan ba fanun katuas malirin no toba taka rabat hela ba biti no liman sorin karuk loke hela” nia hateten.

Tuir nia katak, iha loron sexta, (01/24) matebian sei halo hela serbisu, horsehik serbisu remata ida-ida hari’is hafoin hari’is remata matebian haruka ba sosa tua, matebian dehan halo serbisu isin moras tenki hemu tiha tua mak di’ak ho ida matebian haruka ba sosa tua.

“Familia husi familia rona ona informasaun no tuir planu sei lori matebian ba moris fatin, aldeia Rotuto, suku Duku Rai, postu administrativu Letefoho, munisipíu Ermera tanba matebian ninia fen kaben ho oan bain ualu (8) kompostu husi feto 4 no mane nain 4 ne’ebé iha hela munisipíu Ermera” nia hakotu.

Fatin hanesan uma nain Alexandre Tilman hateten, nia kontratu ho matebian atu halo ninia uma, uma refere matebian husu kontratu dolar rihun 5 maibe matebian foti ona osan sorin dolar atus tolu (3) resin no sei hela dolar rihun 4 resin.

“Maibe matebian mate ami lahatene tanba matebian toba hamutuk ho ninia oan no mane foun maibe ohin dadersan matebian niaoan fanun matebian to’os tiha ona ne’e mak ami foin hatene” hateten Alexandre.

Nia hateten, durante ne’e matebian halo serbisu kondisaun di’ak hela, moras ida laiha, maibe agora matebian mate ona nudar uma nain prontu apoiu hodi fila ba ninia hela fatin munisipiu Ermera.

Tuir observasaub timor post katak, akontesementu ne’e hafoin akontese komunidade kontaktu Ofisial Polisia Suku (OPS) no investigasaun polisia komandu distritu Manufahi to’o kedas fatin akontesementu. (lcl)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 291
  • Page views today : 342
  • Total visitors : 196,023
  • Total page view: 283,387

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur