Notísia foun


DILI—Prezidente Partidu CNRT, Kayrala Xanana Gusmão liuhusi Sekretariu-Jerál, Francisco Kalbuadi Lay, iha diálogu ho Prezidente Repúblika Francisco Guterres Lú Olo entrega karta eskrita ne’ebé husu ba Xefe Estadu atu markafali loron seluk ba diskusaun kontiudu karta ne’e.

Prezidente Repúblika hafoin sorumutu ho líder polítiku husi partidu CNRT, KHUNTO no UDT/FM, klarifika katak, karta ne’ebé nia simu, husu atu atu Prezidente Repúblika halo leitura uluk hodi marka fali loron seluk ba diskusaun konteúdu karta.

Francisco Kalbuadi hato’o partidu CNRT ninia disponibilidade atu partisipa iha diálogu tuir mai ne’ebé Prezidente Repúblika deside.

Maske nune’e, Francisco Kalbuadi Lay hatete ba Prezidente Repúblika hatete, desizaun hotu-hotu ne’ebé Prezidente Repúblika foti, partidu CNRT sei submete.

Entretantu Prezidente Repúblika sei kontinua hala’o ronda diálogu ne’ebé hahú ona ho CNRT, KHUNTO, Koligasaun UDT/Frente Mudansa to’o 4 fevereiru 2020.

Tuir ajenda, Prezidente Repúblika sei rona solusaun konkretu ba situasaun polítiku-konstitusionál husi dirijente partidu no lider bankada sira husi Partidu Libertasaun Popular (PLP) no Frente Revolucionária Timor-Leste Independente (FRETILIN), no tuir mai ho PD no PUDD.

Prezidente Repúblika halo mapa diálogu ho partidu polítiku sira hodi buka solusaun no hakotu impase polítika naruk iha rai laran, iha ne’ebé sai manas liu tan bainhira proposta lei Orsamentu Jerál Estadu (OJE) 2020 ne’ebé Primeiru Ministru Taur Matan Ruak ho membru governu sira aprejenta, sumba iha parlamentu nasionál. (cao)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 1,656
  • Page views today : 2,428
  • Total visitors : 83,629
  • Total page view: 117,471

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur