Notísia foun


DILI- Xefe Departementu Sinál no Tránzitu Diresaun Nasionál Transporte no Terrestre (DNTT) Ministériu Transporte no Komunikasaun (MTK), João Eugénio da Silva, subliña kontrolu ba motorista sira ne’ebé kontinua kontra sinais bandu ne’e Polísia Tránzitu nia servisu.

“Ita nia motorista sira sempre para iha sinais sira ne’ebé mak bandu, liuliu hanesan iha Akait, atu halo kontrolu ne’e hosi polísia tránzitu distritu sira mak lolos halo kontrolu iha terenu, ami hosi Diresaun DNTT tau sinais,” João ba Timor Post iha Balide, Kinta (23/01/2020).

Nia hatutan, semana kotuk halo enkontru ona hodi haree ba asuntu ne’e, iha fulan fevereiru sei halo operasaun konjuntu hamutuk ho polísia haree ba asuntu ne’e liuliu ba motorista ne’ebé para arbiru iha sinais bandu.

“Ami sei halo operasaun ba motorista sira ne’ebé  para iha sinais bandu lakohi para iha fatin ne’ebé governo perpara tiha ona Hanesan Parajen sira ne’ebé hodi selu 25 Centavo kada ora,” Dehan nia.

Hatete nia, Motorista sira hatene katak sinais labele para más nafatin para, sira kumpre bainhira iha polísia kuandu la iha maka sira kontra ou nafatin para arbiru.

Nune’e apela nia, husu ba Motorista sira tenke respeito, ita Nu’udar Timor Oan respeito uluk para bele hatudu ba ema seluk katak ita komprende sinais bandu ne’ebé monta tiha ona.

“Sé ita la respeitu uluk ema hanoin ita iha karta Kondusaun más la komprende sinais, bele fó salah fali ba DNTT katak fó De’it karta Kondusaun más nunka akontese Hanesan Ne’e tanba hosi DNTT nunka fó karta Kondusaun ba ema sein iha testu ou la liuhosi test ruma. (ato)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 134
  • Page views today : 180
  • Total visitors : 78,140
  • Total page view: 109,491

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur