Notísia foun


MANUFAHI—Pedro Neves ho tinan 19, eskola iha eskola Ensinu Bázíku Central (EBC) Ailuli, ho klase  II, hela iha aldeia Soso-Mera, suku Tutuluro iha loron Sábadu (04/01/2020) ba kee maek iha knua fatin Susun Hun, Aldeia Hastetuk, Suku Tutuluro, Postu Administrativu Same, hetan kilat ho marka Mauzer ida.

Mesquita da Costa nu’udar primu husi Pedro Neves haktuir, hafoin hetan kilat ne’e, Pedro ho nia kolega nain tolu lori tiha ba uma.

“Pedro rasik foti kilat ne’e hodi hatudu ba sira nain tolu seluk dehan ne’e kilat ho ida ne’e sira lori mai rai iha uma,”  Mesquita haktuir ba ba Timor Post iha sede suku Tutuluro, postu administrativu Same, Kinta, (09/01).

Fatin hanensan Xefe Suku Tutuluro, Postu Administrativu Same, Sebastião da Costa informa, kilat ne’ebé joven sira hetan espesies kilat tuan ho marka Mauzer.

“Hafoin kilat ne’e labarik sira lori mai tau iha uma no seidauk informa ba Ofisial Poisia Suku (OPS) ho xefe suku maibé maluk ida ho naran inisial B foti tiha fali kilat ne’e mai tiha aldeia Soso-Mera, suku Tutuluro duni, ha’u buka tuir fali hodi bolu lori kilat refere mai entrega ba polísia” Xefe Suku Sebastião haktuir.

Tuir xefe suku, kondisaun kilat ne’e balun di’ak hela maibé kilat ain mak ahi haan ona, laran, katilu, kolatra sei iha hela.

Tuir observasaun Timor Post nota katak, kilat mauzer ne’e ekipa komandu polísia Manufahi ho ekipa investigasaun lidera husi komandante komandu polísia Manufahi ba foti tiha ona iha sede suku Tutuluro. (lcl)

Please follow and like us:

NOTÍSIA FOUN

Site Statistics

  • Users online: 7 
  • Visitors today : 1,374
  • Page views today : 2,184
  • Total visitors : 71,380
  • Total page view: 98,678

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur