Notísia foun


DILI—Diresaun Nasional Meteorolojia no Jeofísika (DNMJ) fó sai iha loron 4 Janeiru 2020, senáriu kondisaun tempu komesa husi loron 4 to´o loron 6 fulan Janeiru 2020, iha ne’ebé bele mosu udan akompaña ho udan ho intensidade ne’ebé varia husi moderadu to’o forte.

“Diresaun Nasional Meteorolojia no Jeofísika hakarak informa ba komunidade sira iha Timor-Leste atu toma atensaun ba “risco de temporal” (Ajitasaun violenta husi anin akompaña ho udan ka tempestade). Eventual ida ne´e sei hamosu udan akompaña ho anin ho intensidade ne´ebé varia husi moderadu to´o forte,” fó sai iha pájina offisial DNMJ ne’ebé Timor Post assesu.

Alerta máxima ba komunidade sira ne´ebé mak hela iha rejiaun sira kosta norte nian hanesan:

– Capital Dili (Iha tendénsia atu akontese udan ho intensidade moderadu to´o forte akompaña ho anin ho nia velosidade ne´ebé varia entre 12-18 km/h ho nia rajadas ne´ebé bele sustenta 35 to´o 45 km/h).

– Manatuto (Iha probabilidade atu akontese udan ho intensidade moderadu to´o forte acompanha ho anin ho nia velocidade ne´ebé varia entre 10-18 km/h ho nia rajadas husi 30 to´o 50 km/h).

– Likisa (Iha tendénsia atu akontese udan ho intensidade moderadu to´o forte akompaña ho anin ho nia velosidade ne´ebé varia entre 9-13 km/h ho nia rajadas ne´ebé bele sustenta 25 to´o 35 km/h).

– Baucau (Iha probabilidade atu akontese udan ho intensidade moderadu to´o forte acompanha ho anin ho nia velocidade ne´ebé varia entre 14-19 km/h ho nia rajadas husi 35 to´o 50 km/h).

– Lautem (Iha tendénsia atu akontese udan ho intensidade moderadu to´o forte akompaña ho anin ho nia velosidade ne´ebé varia entre 15-25 km/h ho nia rajadas ne´ebé bele sustenta 30 to´o 60 km/h).

Entretantu ba rejiaun sira iha parte sentral no sul husi Timor-Leste iha tendénsia atu hetan udan ho intensidade variável ho anin ne´ebé velosidade menus husi 10 km/h.

Eventual ida ne´e iha probabilidade atu akontese tanba influensia husi pozisionamentu sistema baixa presaun rua hanesan iha Banda Sea (Rejiaun Leste husi Illa Timor) no iha Oceano Índico hodi influensia monsaun Asia-Australia.

“Previzaun sujeita ba atualizasaun, tanba ne´e ami husu atu akompaña iha tempu tuir mai,” DNMJ subliña. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 86
  • Page views today : 98
  • Total visitors : 240,263
  • Total page view: 346,588