Notísia foun


DILI— Cedelizia Faria dos Santos fó resposta ba públiku hafoin Timor Post públika artigu kona-ba nia nu’udar kandidatu deputadu tuir lista Partidu CNRT nian ne’ebé bele troka Saudoza Albina Marçal ne’ebé hakotu ona iis iha loron Sábadu (28/12/2019), tanba sofre moras kankru.

Artigu Timor Post ho titulu “Tuir Lista Kandidatu ba Deputadu, Entre Cedelizia ho Brígida Mak Troka Saudoza Albina” ne’e fahe tutan husi ema barak iha rede sosial. Nune’e, iha komentáriu sira iha públikasaun ida husi Cecilia da Fonseca ne’ebé fó apoiu ba Cedelizia tanba rajaun nia tama iha lista ne’ebé merese liu, maka Cedelizia mós halo komentáriu pozetivu ba publikasaun ne’e.

“Thanks a lot Dear Sister, Proud of you too,” Cedelizia liuhusi nia ID offisial Lizia Säñtos fó komentáriu iha públikasaun ne’ebé hatete, “Proud of you my Sista Lizia Säñtos..we respect your desizion please go head with!”.

Tuir observasaun ba komentáriu sira iha rede sosial Facebook, Cedelizia hetan apoiu maka’as husi komentator sira inklui deputada CNRT, Merry Barreto.

Tuir mai komentáriu sira fó apoiu ba Cedelizia, Mery Barreto: Totally agree with sist Cecilia Da Fonseca, and go ahead dear; Apeu Goncalves: Mna lizia mk ami hakarak; Lin Con: Apoio Tomak ba mana Lizia Säñtos; Anita Araujo: Hu prefere mn Lizia santos avança ba deputada,ho razaun katak mna Brígida eis legislatura ba dala2 atu nua go prioridade ba ema seluk atu nune iha kaderizacao iha partido nia laran.

Tuir lista kandidatu ba deputadu iha eleisaun antisipada iha 12 Maiu 2018, ne’ebé Aliansa Mudansa ba Progresu (AMP) hatama ba Tribunál Rekursu, husi parte Partidu CNRT nian, Cedelizia Faria dos Santos maka nu’udar feto naran tuir kedas kandidatu sira ne’ebé substitui ona deputadu eleitu sira.

Cedelizia iha lista 51 tuir lista AMP nian, maibé tanba mosu bankada keta-ketak iha parlamentu nasionál, maka tuir lista (husi CNRT nian) Cedelizia tama iha lista 27.

Bazeia ba lista CNRT nian ne’e, hafoin Oscar de Araújo troka Xanana Gusmao; José Virgilio R. Fereira troka Kalbuadi Lay; Veneranda Lemos troka Jacinto Rigoberto; Patrocinio Fernandes dos Reis troka Dionisio Babo Soares; no Virgina Ana Belo troka Virgilio Smith; Cedelizia iha posibilidade maske Natalino dos Santos iha lista 26, tanba haree husi persentajen feto husi CNRT hanesan deputada iha Parlamentu Nasional.

Deputada husi CNRT hamutuk na’in-9 inklui Saudoza Albina Marçal iha Parlamentu Nasional. Inkuantu mane hamutuk na’in-12.

Maske nune’e, tanba Cedelizia atualmente assume hela pasta hanesan Sekretária Jerál Parlamentu Nasionál, maka, durante Saudoza Albina Marçal sei moras, Bendita Moniz Magno (naran/feto iha lista CNRT tuir kedas Cedelizia ho Brígida Correia) mak substitui hela.

Entretantu tuir fonte kredibel Timor Post haktuir, partidu sei halo hela diskusaun ba assuntu ne’e.

“Durante Saudoza Albina moras, kompaneira Bendita mak assume hela responsabilidade ida ne’e, maibé tuir lista haree husi persentajen feto, kompaneira Cedelizia mak uluk, tuir Brigida mak Bendita no tuir fali Rosa Soares. Partidu sei haree hela tanba kompaneira Cedelizia atualmente assume hela Sekretária Jerál iha Parlamentu Nasionál,” subliña fonte ne’e.

Saudoza Albina Marçal Freitas alias Bia Shana Falu hakotu ona iis Hospital Nacional Guido Valadares (HNGV), Dili, iha loron Sábadu (28/12/2019), tanba moras kankru ne’ebé reprejentante povu ne’e enfrenta durante ne’e. (cao)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,209
  • Page views today : 1,806
  • Total visitors : 71,215
  • Total page view: 98,300

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur