Notísia foun


DILI—Membru Konsellu Polisiamentu Komunitáriu (KPK) husi Suku Madohi, Dili, hetan kapturasaun iha operasaun polísia no militar sira hafoin membru FALINTIL-Forsa Defeza Timor Leste ho naran Tome Trindade hetan sona iha Tasi Tolu, Dili, Sábadu (28/12/2019), maizumenus tuku ualu kalan.

Tuir fonte Timor Post nian iha terrenu haktuir, deskonfia membru KPK ho inisiál J ne’e maka halo finze husu sigaru ba vítima no nia oan husi kotuk sona vítima no sira halai kedas.

Fonte ne’e dehan, membru F-FDTL husi Komponente Navál ne’e iha momentu akontesimentu ne’e hatais sivíl.

Vítima ho suspeitu sira hela hotu iha area Karantina, Tasi Tolu.

To’o notísia ne’e hatun, informasaun husi terrenu haktuir, operasaun kontinua la’o maske kaptura ona ema na’in haat inklui membru KPK nia feen.

Hafoin hetan kapturasaun, tanba hetan baku maka polísia lori suspeitu sira inklui membru KPK nia feen ba hala’o tratamentu iha Sentru Saude Vera Kruz, Dili.

Timor Post halo mós konfirmasaun ho komunidade sira iha area ne’ebá kona-ba suspeitu sira nia hahalok baibain, katak, sira liuliu suspeitu inisiál A ne’ebé nia isin nakonu ho tattoo ne’e sempre halo problema iha bairro laran.

Entretantu deskonfia suspeitu ho vítima involve iha grupu arte-marsiál hirak ne’ebé governu taka tiha ona.(cio/cao)

Imajen ne’e hatudu suspeitu prinsipal

 

Imajen ne’e hatudu membru KPK ho inisial J.

 

 

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,254
  • Page views today : 2,103
  • Total visitors : 74,186
  • Total page view: 103,361

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur