Notísia foun


DILI—Xefe Suku Lahane Oriental, Trindade Batista alias Adhay klarifika, kazu oho ne’ebé akontese Segunda (23/12/2019) kalan iha MErkadu Taibessi, Dili, la’ós komunidade husi suku Lahane Oriental.

Batista hatete, vítima ho autor nu’udar vendedor hotu ne’ebé hala’o atividade iha Merkadu Taibessi.

“Klarifika ba públiku katak, akontesimentu oho malu iha bazar Taibessi ne’e vítima ho autor la’ós komunidade Lahane Oriental nian, maluk sira ne’e mesak vendedores de’it,” Xefe Suku subliña ba Timor Post hafoin akontesimentu.

Joven ida mate hafoin evakua husi fatin akontesimentu ba Hospital Nacional Guido Valadares (HNGV), Bidau, Dili, Segunda (23/12/2019), kalan oras, maizumenus tuku 11 liu.

Joven ne’e latan hela iha kampo laran besik Merkadu Taibessi

Motivu husi insidente ne’e diskonfia joven lubuk ida inklui vítima hemu tua hamutuk, haksesuk malu to’o baku malu.

Liu minutu hira polísia to’o iha fatin akontesimentu hodi kaptura kedas joven ida ne’ebé deskonfia hanesan autor ba kazu ne’e.

Joven ne’ebé hetan kapturasaun nia isin nakonu ho tattoo. Joven ne’e nia sinellus mak soe hela iha matebian nia sorin iha kampo laran matebian latan ba. Polísia halo kapturasaun ne’e iha kalan oras, tuku 12 liu.

Polisia halo hela investigasaun ba joven ida ne’ebe deskonfia involve oho vitima

Hafoin kaptura polísia halo kedas investigasaun ba joven ne’e no nia rekoñese sinellus ne’e ninian. Polísia akompaña joven ne’e ba to’o iha matebian nia latan fatin hodi husu kona-ba tanba-sá nia soe hela sinelus iha fatin ne’e.

Iha invstigasaun joven ne’e dehan ba polísia sira katak, sinellus namdoras maka nia soe hela.

Tanba ho kondisaun lanu, polísia tula kedas joven ne’e ba karreta hodi lori ba hatama sela polísia Kaikoli, Dili hodi kontinua halo investigasaun. (cao)

Please follow and like us:

NOTÍSIA FOUN

Site Statistics

  • Users online: 10 
  • Visitors today : 680
  • Page views today : 992
  • Total visitors : 73,612
  • Total page view: 102,250

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur