Notísia foun


DILI—Eis Prezidente Repúblika José Manuel Ramos Horta admira tebes ho saláriu assessor sira ne’ebé fó apoiu ba Prezidente Rejiaun Administrasaun Espesial Oekusi Ambeno (RAEOA), José Luis Guterres.

Tuir lista kontratu ba kontratadu foun ba gabinete Prezidénsia RAEOA, ne’ebé Timor Post assessu haktuir, haktuir, iha assessor na’in ida ho naran, Azevedo Lourenco da Costa Marcal manan saláriu kada fulan $7.500, tuir fali Ricardo Cardoso Nheu manan saláriu kada fulan $7.000. No assessor na’in neen seluk manan saláriu husi $3.000 to’o 6.500.

Horta hatete, saláriu assessor sira ne’e boot liu fali eis titular sira. Nune’e, nia dehan, nia mós hakarak ba sai assessor ba José Luis Guterres.

“Ha’u mós hakarak sai assessor, eis prezidente manan de’it dois mill, assessor ne’e boot liu fali,” Horta hatete kestaun ne’e bainhira nia sai oradór iha konferénsia nasional Timor Leste Press Union (TLPU), ho tema Papél TLPU iha prosesu dezenvolvimentu”, iha loron Sesta (20/12/2019), iha Otél Golgota, Dili.

“Se mak hakarak sai fali eis titular, ha’u ko’alia fali ho tiu Lugu sai assessor,” Horta hatutan.

Horta dehan, realidade assessor barak iha governu maibé iha kazu barak, i liga ho assuntu judisiál kazu no problema barak iha tribunal no iha rai liur, sira dudu primeiru ministru no ministru sira mak asina.

Tuir mai lista kompletu kontratu foun ba kontratadu sira nia naran, saláriu no sira nia responsabilidade.

Lista ne’e mós sai virál ona iha rede sosiál. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 525
  • Page views today : 690
  • Total visitors : 77,901
  • Total page view: 109,155

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur