Notísia foun


DILI—Polísia Nasionál Timor Letse (PNTL) liuhusi unidade trânzitu halo hela investigasaun ba asidente ne’ebé akontese iha Estrada Balide, Dili, iha loron Segunda (16/12/2019), maizumenus oras tuku 5:30 madrugada.

Asidente ne’e rejulta ema ida mate fatin, ida baixa ona iha Hospital Nacional Guido Valadares (HNGV).

Ema ida ne’ebé mate ho naran Vasco Costa do Santos (17) hela iha Villa Verde, ida kondutor karreta hilux ho naran Remigio Guterres Nunes (20) hela iha Villa Verde no ida seluk kondutor kareta fuso ho naran Anacleto Ribeiro.

Tuir konolojia, Komandante  Operasaun PNTL, Armando Monteiro haktuir, ema na’in rua ne’ebé mane no kanek todan ho karreta ho marka hilux ho sapa matríkula A.10.126 maka xoke karreta boot ho marka mitsubishi fuso ho sapa matríkula 58.120.

Karreta fuso foin to’o husi Baucau, kondutor para hela iha Estrada ninin ba karuk nian iha Balide besik eskola 4 Setembru, Dili, maizumenus tuku lima madrugada.

“(Hilux) halai ho velosidade rigorosu tanba atu ultrapasa viaturas ida entaun labele kontrola no xoke tronton (fuso) ne’ebé mak para hela iha area Balide nian,” Armando haktuir ba jornalista sira iha nia kna’ar fatin Komandu Munisípiu Dili, Segunda (16/12/2019).

Komandante ne’e hatete, nia parte liuhusi seksaun trânzitu kontinua halo hela investigasaun iha terrenu, rekolla evidénsia sira no sei aprejenta ba Ministériu Públiku hodi kontinua prosesu justisa.

Armando hatutan, informasaun haktuir ema ida ne’ebé mate iha fatin ne’e eis deputadu legislatura dahaat Natalino dos Santos nia oan mane.

Nia hatutan, iha indikasaun katak kondutor karreta hilax konsumu álkol/tua, maibé sei iha hela investigasaun mak foin bele hatene.

Hatudu iha CCTV ne’ebé espalla iha rede sosiál, vítima ho karreta halai ba xoke tan ba karreta boot ne’ebé para hela iha Estrada ninin.

Iha fatin hanesan kondutor karreta fuso, Anacleto Ribeiro, haktuir, kareta ne’ebé nia lori ne’e para hela no nia atu kontatu ba família sira maka derepente nia rona tarutu husi kotuk hafodak hare xoke.

“Ha’u mai husi Baucau no karreta para hela no ha”u tun husi karreta la’o kuaze metru lima atu telefone ba labarik sira nia mama, ha’u molok atu telefone ba mak rona kareta tarutu husi kotuk,” nia haktuir. (mj3)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,251
  • Page views today : 1,793
  • Total visitors : 80,503
  • Total page view: 112,874

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur