Notísia foun


Reportajen Jeremias Soares

DILI—Ró funu rua husi Repúblika Indonézia tula ho forsa hamutuk rihun-rua-lima-nulu (2050) atraka ona iha Portu Dili, iha loron Kuarta (11/12/2019), iha oras, tuku 9:00 dader.

Ró rua ho marka KRI Usman Harun-359 ho KRI Sultan Iskandar Muda-367 ne’e sei atraka iha Portu Dili durante loron haat.

Ró rua ne’e tama mai Timor Leste liuhusi Kupang ho objetivu hala’o misaun diplomásia. Aleinde ne’e , ró rua ho forsa sira ne’e aproveita hala’o mós atividade Indonesia Maritime Envoy-19B.

Ró funu rua ne’e nu’udar ró funu istóriku ne’ebé sempre hala’o vizita ba nasaun sira viziñu ho Indonézia.

Iha entrevista, Embaixadór Indonézia iha Timor-Leste, Sahat Sitorus, hatete, prezensa ró rua ne’e iha Dili hanesan vizita diplomasia amizade militár, tanba nasaun rua ne’e viziñu no amigu.

“Ida ne’e konsidera hanesan vizita diplomasia amizade militár no hatudu katak nasaun rua viziñu no amigu bele servisu hamutuk hodi haforsa defeza no seguransa. Ne’e prioridade.” Sitorus subliña ba jornalista sira iha Portu-Dili, kuarta (11/12).

Nia dehan, iha vizita ne’e, Komandante Forsa Naval Indonesia, sei halo vizita kortezia ba lider instituisaun F-FDTL no PNTL inklui Ministru Defeza no Ministru Interior Interinu.

Please follow and like us:

NOTÍSIA FOUN

Site Statistics

  • Users online: 8 
  • Visitors today : 1,398
  • Page views today : 2,235
  • Total visitors : 71,404
  • Total page view: 98,729

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur