Notísia foun

Illustration of education concept

DILI—Ministra Edukasaun Juventude no Desportu, Dulce de Jesus Soares akompañia husi nia Vise Ministru Edukasaun, João Jacarias Freitas, iha loron Kinta, 05/12/2019, iha salaun Ministériu Edukasaun, Villa Verde Dili, anunsia offisialmente rejultadu ezame nasionál 2019.

Total estudante husi ensinu báziku terseiru siklu, sekundáriu jerál no tékniku vokasional hamutuk 53.101 maka rejista ba ezame nasionál. Husi númeru ne’e, total alunu 51.676 koresponde ba pursentu 97,3 maka partisipa iha ezame, no na’in 1.425 koresponde ba pursentu 2,7 maka la partisipa ezame.

Husi total ne’ebé partisipa ezame, hamutuk pursentu 1,98 konta ba alunu na’in 1.023 maka la pasa (reprovado). Inkuantu pursentu 98,2 konta husi alunu na’in 50.653 maka pasa (aprovado).

Klasifikasaun

Siénsia Teknolojia

Nivel sekundáriu jerál siénsia teknolojia, klasifikadu dahuluk ho valor 53 husi eskola ESA Junior husi Munisípiu Baucau ho naran, Daniel Lit. Nune’e mós Ensinu sekundáriu jeral Santo Inácio de Loiola husi Munisípiu Likisá ho naran Salvador Soares hetan valór 53.

Klasifikasaun daruak husi Ensinu sekundáriu jerál Santa Madalena de Canossa ho naran Valdomar de Saldanha ho valór 52. Tuir fali nafatin husi Ensinu sekundáriu Jeral Santu Inácio de Loiola ho naran Melisa Alifa da Costa 52.

Klasifikasaun datolu iha ema na’in tolu maka hetan klasifikasaun maka hanesan, husi eskola ESA Senior Baucau ho naran Auxiliadora C. Jesus ho valór 51, tuir fali nafatin husi eskola Santu Inácio de Loiola Giovania Freitas ho valór 51, no ikus liu husi sekundáriu jeral São Francisco de Asis husi Munisípiu Manufahi ho naran Nelmitásia Fereira ho valór 51.

 

Siénsia Sosiál

Eskola Ensinu Sekundáriu Jerál husi siénsia sosiál, klasifikadu dahuluk ema na’in hitu maka hetan maka hanesan, nafatin husi eskola Santu Inácio de Loiola ho naran Fernandito Soares ho valór 48. Tuir fali husi ensinu sekundáriu jerál Semináriu Menor husi munisípiu Dili ho naran Adeodato Goncalves ho valór 48, tuir fali husi Eskola sekundáriu jeral Santu António Manatuto, ho naran Rivaldo Gomes, tuir fali husi eskola Santu António Oekusi ho naran Antónia Luscitánia ho valór 48, tuir fali husi eskola 28 Vola Nova Baucau  ho naran Albertina da Costa ho valór 48, tuir fali husi eskola sekundáriu jeral Koléjiu ida iha Bobonaro ho naran Delfiana Araújo ho valór 48, ikus liu husi eskola sekundáriu jerál Santa Madalena de Canossa ho naran Tricia David ho valór 48. (cao)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 921
  • Page views today : 1,150
  • Total visitors : 84,768
  • Total page view: 118,957

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur