Notísia foun


DILI—Primeiru Ministru Taur Matan Ruak liuhusi reuniaun konsellu ministru orienta ona ministériu haat inklui Ministériu Finansa, Ministru Transporte no Komunikasaun, Ministériu Edukasaun, Juventude no Desportu no Ministru Prezidénsia Konsellu Ministru, atu tetu redusaun ba Orsamentu Jerál Estadu (OJE) tinan fiskál 2020 nian.

Reuniaun konsellu ministru ne’ebé hala’o iha palásiu governu, Kuarta (04/12/2019) ne’e, Ministra Finansas Interina, Sara Lobo Brites haktuir, nia parte sei halo redusaun ba orsamentu bilaun $1.950 ne’ebé governu retira ona iha loron Tersa (03/12/2019) husi parlamentu nasional.

Ba jornalista sira, Sara subliña, redusaun ne’ebé nia parte prefere iha kategoria bens no servisu.

“Ministériu Finansa, Ministériu Transporte no Komunikasaun, Ministériu Edukasaun, Juventude no Desportu no Prezidénsia Konsellu Ministru simu knaar ida hosi Primeiru-Ministru para haree filafali orsamentu,” haktuir Sara.

“Governu dada no sei pondera pareser Komisaun C nian, ne’ebé ami sei hatama fali orsamentu ho númeru ki’ik más ha’u seidauk bele dehan númeru tanba tenke serbisu hamutuk ho ministériu hothotu,” Sara dehan. (cao)

Informasaun kompletu Lee iha Jornal Diáriu Timor Post, Edisaun 05/12/2019

Please follow and like us:

NOTÍSIA FOUN

Site Statistics

  • Users online: 2 
  • Visitors today : 665
  • Page views today : 884
  • Total visitors : 140,849
  • Total page view: 201,531

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur