Notísia foun


DILI— Vise Governadór Banku Central Timor Leste (BCTL), Venâncio Alves Maria husu ba entidade hotu ne’ebé involve an iha setór públiku ho privadu atu hamutuk fó kontribuisaun hodi kombate brankeamentu kapitais iha Timor-Leste.

“Enkuadramentu legal hot-hotu iha fatin ona, ita fiar katak ho partisipasaun entidade hotu ne’ebé hola parte iha setór hotu atu fó kontribuisaun hodi ita bele kombate brankeamentu kapitais iha ita nasaun,” nia informa ba jornalista sira Ótel Novu Turizmu, kuarta (11/09).

Nia dehan, autoridade supervizór bele kontrola brankeamentu kapitais mezmu ema hotu akompaña iha mundu kestaun legal enkuadramentu legal hotu iha fatin mas depende ba atitude ema hirak ne’ebé hola parte iha setór ne’e rasik .

“Ita espera, partisipante hotu bele koopera no halo tuir buat ne’ebé enkuadramentu legal haruka, bele prevene brankeamentu kapitais maibé la’ós de’it iha setór seguru mas iha setór hotu tenke fó ninia kontribuisaun,” nia esperansa.

Nu’udar nasaun foun, nia rekonese sempre iha dezafiu maibé ho fiar an no ho esforsu husi entidade hotu sei la’o tuir buat ne’ebé lei haruka, brankeamentu kapitais ne’e sei kombate, enkuantu la’o ba mak buat ruma lala’o tuir lei haruka, iha autoridade judisiáriu hodi ezekuta ninia papél .

“Durante ne’e, iha ha’u nia koñesimentu seidauk iha kazu boot no seidauk iha buat ruma ne’ebé afeta ba Timor-Leste mas ita presiza vijilante nafatin,” tenik nia. (res)

 

Notisia Relevante: Populasaun Suku Liurai Mukit Rede Telemor ho TT

Please follow and like us:

NOTÍSIA FOUN

Site Statistics

  • Users online: 12 
  • Visitors today : 625
  • Page views today : 812
  • Total visitors : 139,273
  • Total page view: 199,231

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur