DILI—Vise Ministru Dezenvolvimentu ba Estratéjiku Saúde no Ministru Saúde Interinu, Bonifácio Mau Coli dos Reis, hatete kada loron ba loron sempre presta servisu hodi serve povu iha rai doben Timor-Leste.

“Kada loron ba loron sempre presta servisu hodi serve ita nia povu iha rai doben ida ne’e,” dehan Bonifácio, ba jornalista sira hafoin partisipa iha serimónia Sambaia ne’ebé hala’o hosi komunidade Xineza iha TL, hodi komemora loron konsulta popular 30 Agostu 2019, ne’ebé hala’o iha Bairru Formosa Dili, kinta (29/08).

Nia afirma, ko’alia kona-ba saúde, ne’e la’ós responsabilidade MS nian, maibé presiza konxiénsia ema hotu nian, oinsá atu bele luta hasoru kiak no mós moras.

Ida ne’e mak MS loron ba loron sempre presta servisu ne’ebé ho kualidade liuhosi harii infraestrutura, dezenvolvimentu rekursu umanu iha sistema nasionál saúde.

Tan ne’e mak oras ne’e daudaun governu liuhosi Ministériu Saúde hahú ona planu master plan ba Hospital Nasionál Guido Valadares, ne’ebé fó sai ona ba iha contractor sira.

Ba kompañia sira ne’ebé iha skill atu bele halo dezeñu ba hospital ida ne’e, anunsia ona hein katak iha tempu badak sira bele aselera prosesu planu master plan ne’e.

No planu tuir mai bele hahú ona konstrusaun, ho andár lima, depois hospital ne’e hamriik ona mak foin halo rekruta ba rekursu umanu. Orsamentu ba planu master plan ne’e MOP mak responsabiliza.

“Maibé ita fó atensaun liu mak ba area espesialidade liuliu ba area rekursu umanu nian, ita presiza rekursu umanu ne’ebé di’ak atu nune’e bele redús númeru transferénsia moras ba iha rai li’ur,” nia dehan. (azu)

 24 total views,  1 views today

Please follow and like us:

UPDATED NEWS

ADVERTISEMENT

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur