Notísia foun


DILI— Governu liuhusi Ministériu Saúde ameasa hapara kontratu ho kompañia hamutuk lima ne’ebé durante ne’e fornese aihan ba sidadaun sira iha kuarentena no izolamentu, tanba mosu lamentasaun sira kona-ba oráriu no kualidade hahan.

Diretór Nasionál Korporativa Ministériu Saúde (MS), Marcelio Amaral, haktuir, MS iha kontratu ho kompañia timoroan lima no iha kontratu ko’alia mós kona-ba menu ai-han ne’ebé aprova hosi ekipa nutrisuan nian, ai-han ne’ebé iha kompañia sira sei fornese maibé ninia kualidade diferensia entre kuarentana ho izilamentu menu la hanesan.

“Ita fornese hahan ne’ebé ho nutriente, maibé dala ruma iha lamentasaun ruma hosi pasiente sira, tanba hahan tama tarde, maibé ami koordena ona ho ekipa atu fó xamada dala, kuandu xamada dala tolu kompañia sira la kumpri nafatin ami sei hapara sira nia kontratu,” Marcelo ba Timor Post liu hosi via telefone, Segunda (15/03) .

Husu kona ba kompañia lima ne’ebé dauduak ne’e fornese hela hahan ba iha kuarentena no izolamentu , Marcelo dehan nia parte la hatene.

“Maibé ha’u hatene ona katak iha ona kompañia lima mak aprovizonamentu MS nian kontratu hodi formese ai-han ba iha pasiente sira,” Nia subliña.

Nia esplika, kontratu ne’ebé MS liu hosi ekipa nutrisuan halo ba kompañia sira, katak sira tenke ontime, maibé ekipa ai-han nutrisaun halo hela monitorizasaun, katak kompañia fornese hahan la tuir tempu ka la pontual ba pasiente sira , ida ne’e MS sei fó xamada .

“Ami nia xamada dala tolu tutuir malu, hanesan ha’u nia instrusuan ba iha ekipa nutrisaun sira katak sira la kumpri nafatin tenke hapara kontratu no ita buka fali kompañia seluk hodi kontratu,” tenik Nia .

Nia haktuir MS iha orsamentu fundu Covid-19 hodi fornese hahan ba iha kuarentena sira, orsamentu fundu Covid-19 uza hodi kompra hahan atraves liu hosi kompañia sira.

“Hahan ne’ebé fornesedor sira fornese la’ós ba pasiente de’it maibé ba pesoál saúde, ekipa apoiu pillar sira ne’ebé mak dejigna an iha izolamentu ho kualidade hanesan,” Nia esplika.

Nia informa orsamentu ba fundu Covid-19, espesifiku ba iha fornesedor hahan, ho montante U$ 12 milloens, orsamentu ne’e prepara too fin do ano .

“Maibé ho aumenta kazu ne’ebé iha ita nia osan ne’ebé iha sei la too, mas ita hare ba kompañia ne’ebé ita kontratu kada kompañia ida hetan U$ 50 mill, sira tenke fornese hahan diariamente,” Nia informa .

Iha sorin seluk Nain ba kompañia Mesirom, Ivonia da Cruz, hatete nia kompañia fornee ai-han ba iha kuarentena sira kuaze fulan 10 0na, hahú hosi pandeiam tama mai TL, iha fulan Marsu nian laran kompañia hetan kontratu hosi MTCI no iha fulan Abríl foin hahú fornese ai-han ba iha kuarentena sira.

“Momentu ne’ebá ami hetan kontratu, ami nia pagamentu mós la’o ona, depois tuir tan mai ami hetan tan kontratu hosi MS, ami nia kontratu ba II no III hetan mós pagamentu, msibé ba iha faze da IIII ami ladauk hetan pagamentu,” Nia konta.

Nia informa kompañia hatama invoce ba iha MS iha fulan Otubru 2020, mas too agora pagamentu laiha, maski fornesimentu ai-han to’o ona iha kontratu maibétoo ohin loron pagamentu seidauk iha.

Jornalista Olga Soares

Editór Noémio Falcão

Please follow and like us:

Site Statistics

  • Users online: 1 
  • Visitors today : 70
  • Page views today : 78
  • Total visitors : 240,247
  • Total page view: 346,568