Notísia foun

Dionisio de Jesus Lopes

Iha Nia Kadunan

Santu iha Na’i nia fatin bainhira Na’i hasubar-an

Bainhira Na’i nia fuan nobel persistensia hela nafatin

Na’i salva Na’i nia-an husi inimigu

Husi sira nia kukun kro’at Na’i halai sees husi ameasa

Iha Na’i nia Kadunan Na’i ensede husi iska

Ha’u bele prova katak Na’i nia kakutak matenek tebes

Maske Na’i nia Kadunan harii iha rai okos

Na’i nia hanoin, Na’i nia mehi hakaat liu

Iha Cipinang, Australia, Mozambique, Indonesia no Portugal sira rona

Sira hatene Na’i luta maske to’o kanek

Na’i nia mehi sira kous iha rai okos

Sira hahoris fuan manek ho Na’i nia memória sira

Iha Mertutu, ami selebra memorativu ne’e

Konis Santa, hein katak Na’i nia klamar hela ho Dame!

==========================================

Memória K’ Santana
Ó hamriik hodi luta ba ukun-an

Ó luta hodi prezerva kultura

Ó berani ko’alia Tétum

Lian Inan… ita-nia rain!


Ó nia domin bo’ot hanesan mehi mosu iha Timór

Ó nia urat no múskulo hanesan loos ahi iha ami nia fuan

Ó nia hanoin ne’ebé berani no aksaun fanu ami mutuk sira

Halakon silénsiu, hafanu ami hader iha luta Timór nian


Ó nia prinsipiu tomak ami sei kuidadu nafatin

Ami sei haku’ak metin ho domin boot iha tempu ne’ebé presiza

Ba Ita-Boot nia memória ne’ebé aas no klaru

Hatutan nafatin Ó nia memória hotu, K. Santana!
Please follow and like us:

NOTÍSIA FOUN

Site Statistics

  • Users online: 1 
  • Visitors today : 76
  • Page views today : 85
  • Total visitors : 240,253
  • Total page view: 346,575