Notísia foun

Matebian Professor Doutór Gabriel Reiqui de Sá

Timor Post (04/03/2021)— Professor Doutór (Prof. Dr.) Gabriel Reiqui de Sá nu’udar Vise Reitór ba Assuntu Posgraduasaun i Peskija, Universidade Nasionál Timor Lorosa’e (UNTL) hakotu iis iha Hospital Nacional Guido Valadares (HNGV), Dili, iha loron Kinta (03/03/2021).

Prof. Dr. Gabriel, moris iha Baukau, 28 Fevereru 1964, maite ho idade 57, husik hela feen Rosita de Sá ho oan na’in-3, mane ida, feto rua, ida-idak ho naran Natalino de Sá, Yunita se Sá no Angela Gabriela de Sá.

Reitór UNTL, Prof. Dr. João Martins triste tebes ho notísia ida ne’e no sente lakon boot.

Reitór João koñese Prof. Dr. Gabriel hanesan ema ida ne’ebé enerjétiku tebes, servisu maka’as, dedikasaun a’a no responsavel no matenek fini di’ak tebes.

“Ha’u ho ekipa Reitoral no Sivitas Akadémika tomak triste tebes lakon ami nia Vise Reitór. Ha’u hato’o sentidos kondolénsias ba família enlutada hotu. Ita hotu lakon edukador no  peskizador UNTL nian di’ak Ida. Ita nia orasaun ba Nai Maromak bele simu maun Gaby iha reinu Lalehan. Descanse em Paz Prof. Dr. Gabriel,” Reitór João subliña iha nia Pájina Ofisiál Fasebook.

Tuir ajenda funeral ne’ebé fó sai husi família matebian, ohin, tuku-9 misa iha Madre FMA (Filhas de Maria), Balide.

Depois de misa, família no kolega sira hotu sei lori mate isin ba despede ikus iha Fakuldade Enjeneria Hera no lori ba haloot iha nia moris fatin Simitériu Waikua, Kairabela-Baukau. (tos/cao)

Please follow and like us:

Site Statistics

  • Users online: 1 
  • Visitors today : 75
  • Page views today : 84
  • Total visitors : 240,252
  • Total page view: 346,574