Notísia foun


Timor Post (01/03/2021)—Calisto dos Santos Oliveira alias ‘Kadalak’  deklara nu’udar kuadru ida husi partidu FRETILIN hamutuk iha Klibur Tane-Aas Obra Maun Boot Kayrala Xanana Gusmão (KTAOMBX) Munisípiu Likisá, hakarak Líder Nasionál ne’e fila-fali ba Prezidente Repúblika periodu 2022-2027.

“Ami hosi Klibur Tane-Aas Obra Maun Boot Kay Rala Xanana Gusmão hosi munisípiu Likisá hamutuk ho ami-nia estrutura, hahú hosi baze, aldeia, suku, postu administrativu to’o mai munisípiu hakarak fó apoiu tomak ba Maun Boot Kay Rala Xanana Gusmão hodi kandidatu-aan ba Eleisaun Prezidensiál ba períodu 2022-2027”, deklara Koordenadór Klibur, Calisto dos Santos Oliveira ‘Kadalak’  liuhosi konferénsia imprensa iha Aldeia Kamelara, Suku Dato, Postu Administrativu Likisá, Munisípiu Likisá.

Calisto esplika Klibur halo kompromisu ida ne’e tanba situasaun ne’ebé ohin loron TL enfrenta presiza lideransa eis komandante supremu Frente Armada Libertasaun Nasionál.

“Haree ba situasaun ne’ebé mak la’o daudaun iha rai laran ladún di’ak maka ami fó fiar tomak ba maun boot lidera fila-fali nasaun, hodi sai hosi krize polítika,” Kadalak hateten.

Nu’udar kuadru partidu FRETILIN Kadalak afirma ezisténsia Klibur ne’e la haree ba kór partidu, tanba ema ne’ebé hamutuk iha klibur ne’e mai hosi partidu oioin.

Iha fatin hanesan Sekretáriu Ezekutivu Klibur Tane-Aas Obra Maun Boot Kay Rala Xanana Gusmão hosi Nasionál, Abílio Barros, esplika hanesan katak klibur ne’e harii ho objetivu promove lider karismátiku Kay Rala Xanana Gusmão ninia obra.

Jornalista            : Jaime Pires

Editor                    : Mariano Martins

Please follow and like us:

NOTÍSIA FOUN

Site Statistics

  • Users online: 0 
  • Visitors today : 72
  • Page views today : 81
  • Total visitors : 240,249
  • Total page view: 346,571