Notísia foun

Ministru Prezidénsia Konsellu Ministru, Fidélis Leite Magalhães

Timor Post (19/02/2021)- Governu liuhosi reuniaun Konsellu Ministru sesta (19/02), aprova no deside muda Atauru sai munisípiu espesiál iha Timor-Leste hanesan mós ho Oekusi.

Relata hosi Ministru Prezidensiál Konsellu Ministru, Fidelis Leite Magalhães, iha Palasiu Governu, sesta (19/02), hafoin remata reuniaun.

“Ohin reuniaun Konsellu Ministru aprova projetu proposta lei aliterasaun ba daruak kona-ba divizaun administrativa territóriu, proposta ne’e governu aprova no sei haruka ba iha Parlamentu Nasionál hodi halo diskusaun. Konteúdu hosi proposta ne’e mak inklui mós atu harii munisípiu Atauru, no mós harii tan postu ida iha Hatulia B pertense ba munisípiu Ermera nia no mós hari postu ida iha Lore iha munisípiu Lautem”, Fidelis informa ba Jornalista destakadu iha PN.

Adianta governante katak karik ida ne’e mak Parlamentu aprova, ba futuru Timor-Leste sei iha munisípiu (13), no sei aumenta tan postu administrative rua.

Enkuantu projetu proposta lei ne’e aprezenta hosi Ministru Administrasaun Estatál (MAE), Miguel Pereira de Carvalho.

Jornalista : Jaime Pires
Editor : Mariano Martins

Please follow and like us:

NOTÍSIA FOUN

Site Statistics

  • Users online: 2 
  • Visitors today : 292
  • Page views today : 317
  • Total visitors : 239,415
  • Total page view: 345,519