Notísia foun

Imajen ne’e hatudu Primeiru Ministru Taur Matan Ruak kumpri regra saúde públiku hodi halo teste temperatura ba prevensaun moras daet COVID-19, molok tama ba Palásiu Prezidensiál Bairro-Pite, Dili hodi reuniaun ho Prezidente Repúblika Francisco Guterres Lú Olo. Foto Midia PR

Timor Post (18/02/2021)—Primeiru Ministru (PM), Taur Matan Ruak, husu ba públiku atu labele preokupa ba Orsamentu Jerál Estadu (OJE) 2021, tanba nia garante osan iha, maibé Ministériu Finansas mak seidauk iha nesesidade hodi halo levantamentu.

“Ita-boot sira haan ne’e mak preokupa lahalimar ne’e! Maibé prontu! hakarak hatete, informasasun ne’ebé ha’u simu hosi Ministériu Finansas seidauk iha nesesidade atu halo levantamentu mas kuandu nesesidade obriga sei halo! Tanba ne’e lalika preokupa ho ida ne’e,” Xefe Governu hato’o kestaun hirak ne’e ba Jornalista sira, iha Palásiu Prezidensiál, Bairro-Pité, Dili, Kinta (18/02/2021), bainhira husu kona-ba preokupasaun públika katak, governu osan laiha ona, no ekonomista sira dehan, osan $200 milloes iha tezouru bele sustenta de’it ministeriu ida nia nesesidade.

Taur hatutan, labele rona demais sira ne’ebé mak iha liur hodi dehan governu osan laiha.

“Ha’u hanoin ita-bot sira rona demais sira iha liur la rona Governu, ne’e fila ba fila mai ita-bot sira preokupa dehan Governu osan laiha. Ami mak kaer dapur ne’e lolos ne’e ami mak dehan hahan laiha ona ga sei iha,” Taur subliña.

Eis Prezidente Republika ne’e deklara, seidauk iha implkasõens, seidauk afeta, imposivel Governu ida nia halo tia programa, tau tia orsamentu depois nia lakoi implementa fali ne’e imposivel, lójika laiha.

“Nebe, ha’u hanoin ita-bot sira lalika rona rumoris sira la’o tun la’o sa’e ne’e, tanba ema dehan Timor ne’e ema matenek tan-tanan de’it maibé da forma como ita levanta kestaun sira ne’e ema dehan fali la’ós matenek karik ne’e keta beik karik, ne’ebé lalika preokupa,” taur salienta.

“Laiha, quando uma vez que presija Governu naturalmente sei foti, ne’ebé laiha problema”, Nia hakotu,” Primeiru Ministru hatete.

Jornalista Jaime Pires

Editor Noémio Falcão

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,301
  • Page views today : 1,936
  • Total visitors : 194,773
  • Total page view: 281,690

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur