Notísia foun


Timor Post (17/02/2021)—Ministériu Saúde (MS) liuhosi Komisaun Nasionál Prevensaun COVID-19 hala’o ona screening masál iha munisípiu sira parte fronteira rai inklui Bobonaro, Kovalima no Rejiaun Administrativa Espesiál Oe-cusse Ambeno (RAEOA) durante loron sanulu hahú hosi 15 to’o 25 fevereiru.

Koordenadora Jerál Komisaun Nasionál Prevensaun COVID-19, Odete da Silva Viegas hatete, asaun prevensaun ne’e kada loron ekipa foti amostra husi ema na’in-100 maibé la’ós obrigatóriu.

“Screening masál ne’e la’ós obrigatóriu, tanba ita halo atu deteta de’it transmisaun lokál iha fronteira,” Doutora Odete subliña ba jornalista sira iha salaun City8 Manleu, tersa (16/02/2021).

Antes ne’e, Minsitériu Saúde halo ona sensibilizasasun no fahe informasaun liuliu fó advokásia ba komunidade iha Munisípiu tolu ne’e.

Entretantu Governu liuhusi Konsellu Ministru Extraordinária iha loron Segunda (15/02/2021) taka total movimentu iha munisípiu Bobonaro no Kovalima tanba ema tama sai ilegal husi fronteira hodi provoka moras daet COVID-19 sa’e no posibilidade boot ba transmisaun lokal.

Serka sanitária iha munisípiu rua ne’e atu evita mós virus foun SARS-Cov-2 ne’ebé hamate mós ema barak ona iha mundu.

Entretantu tuir dadus, husi Sentru Integradu Jestaun Krize (SIJK) ne’ebé fó sai iha loron 15 fevereiru 2021, rejista pasiente COVID-19 ba agora dadauk baixa hela iha sala izolamentu hamutuk na’in-40 rekopera na’in-ida. Nune’e, Sura hamutuk pasiente sira ne’ebé rekopera ona hahú husi fulan Marsu 2020, Timor Leste rejista pasiente hamutuk 102.

Jornalista Jaime Pires

Editór Noémio Falcão

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,303
  • Page views today : 1,939
  • Total visitors : 194,775
  • Total page view: 281,693

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur