Notísia foun


Timor Post (03/02/2021)- Ministru Administrasaun Estatál (MAE), Miguel Perreira de Carvalho, hatete, Governu prepara ona hodi halo aliterasaun atu hari tan postu iha Hatulia B munisípiu Ermera.

“Ami ministériu prepara hela proposta aliterasaun lei divizaun administrativa territóriu, ne’ebé mak konsidera Postu Hatulia B sai hanesan fundus postu administrativu hodi aumenta tan ba iha munisípiu Ermera”, adianta Ministru iha entrevista iha Palasiu Governu, Kuarta (03/02).

Miguel esplika Hatulia B ho nia populasaun liu rihun 40 entaun komunidade sira iha Hatulia ne’e hanoin importante tebes atu sira iha postu rasik tanba populasaun boot no jeográfikamente, governu hanoin ona atu kria tan Postu iha Hatulia B ba munisípiu Ermera.

Entretantu ho ezisténsia postu Administrativu Hatulia B sei kompleta Ermera ba postu 6 maka hanesan Postu Atsabe, Ermera, Letefoho, Railaco, Hatulia no Hatulia B.

Konfirma kona-ba atu kria Postu Iha Lawai no Lore iha munisípiu Lautem, Governante informa sei iha faze estuda hela depois, lori ona mai iha Konsellu Ministru sei hatene, tanba kritériu ba hari postu hare ba iha populasaun, area jeográfiku, potensiál  rekursu umanus no rekursu naturais.

Jornalista            : Jaime Pires

Editor                    : Mariano Martins

Please follow and like us:

NOTÍSIA FOUN

Site Statistics

  • Users online: 4 
  • Visitors today : 802
  • Page views today : 927
  • Total visitors : 239,358
  • Total page view: 345,459