Notísia foun


Timor Post (27/01/2021)—Prezidente Tribunal Rekursu (PTR), Deolindo dos Santos, hatete Tribunal indefere kandidatu Partidu PATIFOR no PDS, tanba la pretense rekizitu hodi harii partidu polítiku.

“Iha partidu haat mak hatama sira nia pedidu inskrisaun atu sai nu’udar partidu ba Tribunal Rekursu, Tribunal Rekursu depois de prosesu tomak hola desizaun katak rua sai uluk tiha ona, mak Verdes ho Fitun, no mós iha semana ida liubá ne’e Tribunal mós hasai desizaun ona, ha’u nia despaxu hatete katak Partidu rua tan mak Partidu Dezenvolvimentu Sosiál (PDS) ho Partidu PATIFOR (Partidu Timor Forte) mós seidauk kumpre rekizitu para atu sai nu’udar partidu”,  PTR  Deolindo informa asuntu ne’e ba jornalista sira iha PN, kuarta (27/01).

Deolindo hatete, iha rekizitu barak loos mak kandidatu partidu rua ne’e la kumpre, tanba lei hatete katak kada Munisípiu ida mínimu tenke iha mill apoiante, mais kuaze partidu haat ne’e iha Munisípiu balun sei menus husi mill.

Alende ne’e, dokumentu sira tenke hatán autentikasaun husi notariadu, maibé dokumentu sira ne’ebé mak kandidatu partidu haat ne’e submete ba Tribunal Rekursu la hetan autentikasaun. Ezemplu hanesan Billete Identidade (BI), Pasaporte ka Sertidaun.

“Sira nia direitu hanesan sidadaun atu harii partidu ne’e iha nafatin, sira bele kompleta buat sira ke tenke kompleta no hadi’a buat sira ne’ebé mak Tribunal hatete katak la loos, depois lori fali ba Ministériu Justisa, hafoin Ministériu Justisa prosesu to ikus sira lori fali ba Tribunal para haree katak sira kumpre ona ka seidauk”, Deolindo dehan. (Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 9 
  • Visitors today : 540
  • Page views today : 672
  • Total visitors : 194,012
  • Total page view: 280,426

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur