Notísia foun


Timor Post (18/01/2021)— Sekretáriu Estadu Teras no Propriedades (SETP), Mário Ximenes, husu populasaun hotu ne’ebé okupa rai no hela iha uma estadu tenke ba halo rezistu hodi kumpri prosesu administrasaun.

“Sira tenke mai regulariza ho estadu tanba bainhira estadu presiza fali rai ne’e estadu bele responsabiliza tanba nia tuir ona prosesu administrativu,” Sekretáriu Estadu hatete ba Jornalista sira iha Palásiu Govrrnu, Tersa (19/01/2021).

Governante ne’e subliña, rekerimentu no prosedimentu legal nia rejistu liu husi estadu no  fulan fulan kumpri dever ba estadu tanba nia uza.

“Nia rejista ona mak aban bain rua estadu la presiza nia bele kontinua maibé estadu presiza estadu bele responsabiliza tanba nia liu husi prosedimentu no regra ne’ebé mak estadu estabelese ba,” nia hatutan.

Sekretáriu Estadu mós dehan, timoroan uluk barak fa’an ona rai privadu ba ema estranjeiru hanesan indonezia no agora estadu Timor-Leste mak regulariza.

“Xefe suku sira laiha kompeténsia ituan atu fa’an rai tanba lei la fo dalan ba sira atu fa’an, no fa’an rai ne’e agora tenke liu husi prosesu ida tanba ita seidauk fo sertifikadu ba sidadaun ida,” Nia salienta.

Nia subliña ttan, lei fo dalan ba terras proprideda no notariadu mak bele selebra aktus kompra e venda, lei rejime jurídiku notariadu Lei numeru 3/2005.

Jornalista: Jaime Pires

Editór: Noémio Falcão

Please follow and like us:

NOTÍSIA FOUN

Site Statistics

  • Users online: 4 
  • Visitors today : 777
  • Page views today : 1,026
  • Total visitors : 194,249
  • Total page view: 280,780

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur