Notísia foun


Timor Post (18/01/2021)-Sekretáriu Jerál FRETILIN, Marí Bim Amude Alkatiri komenta, governu lideradu Primeiru Ministru Taur Matan Ruak hala’o servisu iha fulan hirak nia laran hatudu progresu di’ak tebes.

Koordenadór Plataforma Entendimentu hosi Partidu FRETILIN, PLP ho KHUNTO ne’e subliña, governu daualu iha fulan hirak nia laran konsege halakon ona impase polítika no krize ekonomia.

“Governu ida ne’e servisu di’ak tanba foin servisu fulan haat ka lima maibé konsege halakon ona impase polítika, krize ekonómika no sira seluk tan la akontese ona iha Timor-Leste,” Alkatiri hatete ba Jornalista sira hafoin presta deklarasaun kona-ba keixa ne’ebé nia hato’o ba Ministériu Públiku, Segunda (18/01/2021).

Nia hatutan Governu ne’e foin ukun fulan 6 maibé programa sesta bazika ema hotu-hotu kontente, maski ida rua dehan la kontente, maibé sira mós simu hotu lori ba uma.

La’ós ida ne’e de’it, Alkatiri mós dehan krize polítika laiha ona, impase polítiku laiha ona, orsamentu jerál estadu liu ho votu (44).

Nia halo komparasaun, katak sé governu ida uluk ukun tinan 12 ne’e mak servisu iha fulan 4 ka 5 hanesan ho servisu governu ida agora halo daudaun, oras ne’e timor la’o ba oin ona.

Relasiona ho boatu remodelasaun Alkatiri prefere remodela maka membru governu sira ne’ebé ko’alia nar-naran de’it iha públiku ne’e.

Sekretáriu Jerál Partidu Fretilin, Mari Bin Amude Alkatiri, hatete, nia remodela membru governu sira ne’ebé mak ko’alia naran-naran de’it iha públiku ne’e.

“Ida ne’e Primeiru Ministru nia funsaun, karik Primeiru Ministru husu mai ha’u tanba ha’u hanesan koordenadór jerál plataforma ne’e ha’u hatán (remodera membru governu sira ne’ebé mak ko’alia naran-naran de’it iha públiku ne’e), maibé agora ha’u labele antesipa atu halo presaun fali ba Primeiru Ministru” esplika eis titular ne’e.(Jornalista: Jaime Pires, Editor: Mariano Martins)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 405
  • Page views today : 487
  • Total visitors : 193,877
  • Total page view: 280,241

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur