Notísia foun


Timor Post (10/01/2021)—Reprezentante Povu iha uma fukun Parlamentu Nasionál (PN) husu ba Governu  halo intervensaun iha merkadu tanba  stoke foos   iha armazein menus.

 “Merkadu presiza intervein hosi Ministériu Kompetente, tanba  alokasaun orsamentu ba kestaun sira hanesan nee iha tiha ona, kuandu situasaun merkadu hanesan nee se mak bele intervein mak Ministériu Turizmu Komérsiu Indústria”, afirma Lidia iha biban konferénsia imprensa iha PN, sesta (08/01) foin lalais.

Deputada hosi bankada viabilizada fiar ba Ministériu nee sei “ita lalika preokupa demais katak buat hotu la iha”, Lidia afirma.

Nia kompara orsamentu duodecimo de’it populasaun sira sei moris, sá tan agora ho orsamentu normal.

“Ita boot imajina, duodecimo de’it mós ita konsege moris, sá tan ho orsamentu normal”, Lidia dehan.

Entretantu,  observasaun Timor Post iha loza fornesedor foos balun iha Dili laran, hanesan Lisun,  Perissos no Alfa, kuantidade foos  menus,  situasaun refere alarga to’o ona iha Munisípiu.

Jornalista: Julio Salinas Soares

Editor: Mariano Martins

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,024
  • Page views today : 1,399
  • Total visitors : 143,481
  • Total page view: 205,492

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur