Notísia foun


MANUFAHI—Komandu Polísia Munisípiu Manufahi detein ona Xefe Suku Babulo ho ema na’in-tolu inklui Xefe Aldeia, funsionáriu públiku no médiku, tanba fasilita festa hamutuk ba ekipa manan nain jogu futebol “Babulo Cup” ne’ebé hala’o iha suku ne’e.

Komandante Polísia Munisípiál, Superintendente Polísia Joni Viana das Regras, informa, medida ne’e nia parte toma hodi kumpri órden estadu emerjénsia da-sia ho baze ba kódigu penal artigu 244 ne’ebé hatete, ema ne’ebé desobediênsia ba órden ruma ne’e polísia sei halo atuasaun.

“Ema nain 4 inklui xefe suku kaptura iha Segunda loron (04/01/2021) no na’in-rua kompostu husi xefe aldeia ho xefe joventude kaptura iha Tersa loron (05/01/2021),” Komandante Joni ba jornalista iha nia knaar fatin, Kuarta (06/01/2021).

Nia dehan, bainhira polísia detein ema hirak ne’e no halo hotu identifikasaun durante oras 12 maka polísia liberta fali sira.

“Ita nia lei iha instrumentu tolu mak hanesan “obrigra, regula no kesi Itá” neduni ba sese de’it tenki halo tuir lei,” Autoridade másimu seguransa iha kosta súl ne’e subliña.

Nia hatutan, iha situasaun ne’e xefe suku ho xefe aldeia no sira hirak hetan detensaun ne’e rekoñese sira nia sala no promete la halo tan iha futuru. (lcl)

Please follow and like us:

NOTÍSIA FOUN

Site Statistics

  • Users online: 6 
  • Visitors today : 988
  • Page views today : 1,342
  • Total visitors : 139,636
  • Total page view: 199,761

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur