Notísia foun


Timor Post (06/01/2021)-Prezidente Komisaun espesializada Parlamentu Nasionál ne’ebé trata ba asuntu Dezenvolvimentu no Ekonomia, deputadu Antonino Bianco deklara, kódigu mineiru tama iha ajenda annual komisaun nian atu deskuti tinan 2021.

“Ami (komisaun) ohin ne’e, sei halo kalendáriu ba ezekusaun planu asaun anuál komisaun D trata asuntu ekonómiku dezenvolvimentu nian, ne’ebé ke liga ho kódigu mineiru ne’e. ami tenke aselera para prosesu ne’e  bele hotu, tinan ne’e nia laran”, Bianco deklara iha Parlamentu Nasionál Kuarta (06/01).

Bianco afirma,  kódigu mineiru  importante tanba ida ne’e bele asegura riku soin sira iha  rai leten no parte seluk oinsá dada investor sira mai iha Timor-Leste.

“Ita bele esplora, la’ós mina rai de’it, maibé kodigu mineiru ne’e dehan fatuk osan mean no mutin, simenta no mármore buat sira ne’e hotu tenke iha lei,” nia hatutan.

Bianco garante katak ajenda diskusaun ne’e se realiza, sei la viola lei estadu emerjénsia nian tanba sei tuur dook malu, uza máskara no fase liman ho sabaun.

Jornalista: Julio Salinas Soares

Editor: Mariano Martins

Please follow and like us:

NOTÍSIA FOUN

Site Statistics

  • Users online: 9 
  • Visitors today : 963
  • Page views today : 1,299
  • Total visitors : 139,611
  • Total page view: 199,718

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur