Notísia foun


Timor Post (04/01/2021)—Polísia Nasionál Timor-Leste (PNTL) liuhusi Komandu Polísia Munisípiu Dili detein ona Ajente Polísia ho inisiál MM  ida ne’ebé lori pistola tiru vítima Martinho Tasi-Rede, iha Aldeia 12 Outubru, Suku Komoro, Postu Administrativu Don Aleixo, Munisípiu Dili.

MM husi Unidade Orden Públika (BOP) lori pistola ho marka Glock-19 tiru vítima iha loron sesta (01/01/2021), tuku 1:00 madrugada. Vítima hetan tiru iha parte kanotak liman loos borus ba liman karuk.

Hafoin akontesimentu, vítima hetan evakuasaun ba halo tratamentu intensivu iha Ospitál Nasionál Guido Valadares (HNGV).

“Membru ne’e ami detein ona, agora prosesu la’o hela,” Komandante PNTL Munisípiu Dili, Superintendente Xefe, Henrique da Costa, ba jornalista sira iha Komandu PNTL, Kaikoli, Dili.

Komandante Henrique haktuir, parte investigasaun rekolla ona sasan evidénsia sira hanesan bala-musan no émbolku rua.

“Motivu loloos hosi kazu ne’e ita hein de’it komandante jerál maka bele esplika,” Komandante Henrique dehan. (cao)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,042
  • Page views today : 1,509
  • Total visitors : 146,680
  • Total page view: 210,481

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur