Notísia foun

Ilustrasaun

Timor Post (03/01/2021)—Mákina dulas fatuk oho joven ida iha Postu Administrativu Laga Munsípiu Baukau, Domingu meudia ne’e.

Komadante Polísia Nasionál Timor-Leste Munsípiu Baukau, Superenteden Xefe Armando Monteiro haktuir, joven ne’e konsege hetan evakuasaun ba Klínika Laga maibé lakonsege salva nia vida.

Tuir kronolojia, joven ne’e dulas hela fatuk maka mákina dada fali nia no monu ba rai.

“Insidente ida mai hosi kompañia internasional ne’ebé mak halo obra estrada diresaun Baukau ba Lautem, mákina dulas fatuk ne’e dada joven ida monu no la salva nia vida,”  Komandante Armando ba Timor Post via telefone.

Polísia Investigasaun Munisipál hala’o hela investigasaun hodi hatene motivu loloos husi akontesimentu ne’e.

Armando dehan, maste isin sei lori ba Mortuáriu Ospital Referal Baukau hosi halo atópsia.

“Família entrega mai polísia hodi halo investigasaun no pedidu ba ministériu públiku ita haruka ba ona hodi halo autópsia” tenik Nia.

Jornalista: Jaime Pires

Please follow and like us:

Site Statistics

  • Users online: 7 
  • Visitors today : 743
  • Page views today : 1,031
  • Total visitors : 198,794
  • Total page view: 287,364

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur