Notísia foun


Timor Post (22/12/2020)- Prezidente  Kámara Komérsiu Indústria Timor-Leste (CCI-TL) Oscar Lima, louva oitavu governu nia programa sesta bázika, tanba bele hola produtu agrikultura sira nian.

“Governu halo programa di’ak mak sesta bázika ne’e tanba ita hare agrikultura sira iha fatin-fatin sira ne’e hotu-hotu nia hare kulit moos, inklui batar, fore, fore mungu sira ne’e moos hotu”, louva Oscar iha Hotel Novo Turizmu, tersa (22/12) hafoin partisipa iha diskusaun Meza Redonda.

Nia hare programa ne’e di’ak tebes tanba governu bele hola moos hotu produtu lokál agrikultura sira nia iha munisípiu hotu to’o iha area rurais.

 Nia hein programa ida ne’e bele hare halo didi’ak, tanba tempu ne’e mak badak demais hodi mobiliza programa sira ne’e.

 “Tempu ne’e badak tanba sasán sira ne’e ba foti iha munisípiu hotu-hotu ho distánsia do’ok entaun lori mai tenke hamoos fali halo di’ak, tahek fali, presiza ema halo fali servisu lubuk ida hafoin bele distribui fali, tanba ne’e mak fulan rua ne’e tempu badak no lato’o”, hateten atuál diretór Kompañia Monteveado ne’e.

Jornalista: Jaime Pires

Editor: Mariano Martins

Please follow and like us:

Site Statistics

  • Users online: 4 
  • Visitors today : 254
  • Page views today : 292
  • Total visitors : 145,892
  • Total page view: 209,264

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur