Notísia foun


Timor Post (21/12/2020)—Konsellu Ministru ezonera Prezidente Autoridade Munsípiu Baukau, Administrador Munisipiu Lautem no Vikeke hodi nomeia kedas ema na’in-tolu ba okupa kargu refere.

Prezidente Konsellu Ministru, Fidelis Leite Magalhães, ba Jornalista sira iha Palásiu Governu, Dili, Segunda (21/12/2020) haktuir, desizaun ne’e konsellu ministru foti bazeia ba proposta husi Ministru Administrasaun Estatal, Miguel Pereira.

Fidelis informa, konsellu ministru nomeia Elivio Freitas ba Prezidente Autoridade Munisípiu Baukau, Domingos Sávio ba Prezidente Autoridade Munsípiu Lautem no Januario Soares eleitu ba Prezidente Autoridade Munsípiu Vikeke.

” Konsellu Ministru nomeia sira nain tolu ba Prezidente Autoridade Munsipal, nune’e mós ohin ezonera kedas prezidente autoridade sira ne’ebé mak antes ne’e sei asume hela kargu refere,” Fidelis hatete.

Prezidente Autoridade Munisipiu Baukau ne’ebé hetan ezonerasaun maka, António Agosto Guterres, Administrador Zeferino dos Santos Sequeira husi Lautem no Gregorio Henrique husi Vikeke.

Jornalista: Jaime Pires

Editór: Noémio Falcão

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,026
  • Page views today : 1,486
  • Total visitors : 146,664
  • Total page view: 210,458

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur