Notísia foun


DILI—Primeiru Ministru Taur Matan Ruak rekoñese governu daualu durante ne’e mate moris, maibé konsege hakat liu dezafiu barak.

“Ita konta hosi 2018 too agora enfrenta dezafiu barak loos, mate la mate, moris la maris, maibé ita konsege hakat liu dezafiu barak,” Taur Matan Ruak bainhira partisipa iha festa  Natal Hamutuk ho funsionáriu no família sira iha Farol, Sábadu kalan (19/12/2020).

Primeiru ministru nee hateten, dezafiu ne’ebé hasoru maka hanesan kresimentu ekonomia nasaun Timor-Leste nian. Tanba tinan 2019 Governu la’o de’it ho orsamentu duodesimal.

Nunee mos hasoru dezastre natural ne’ebé inundasaun sobu populasaun kuaze rihun 5 nia hela fatin, sasan barak lakon no família barak maka moris iha tahu laran.

Tanba ne’e, nia dehan, governu halo oinsá para rekupera fila-fali ekonomia ba família afetadu ne’ebé hetan estragu hosi inundasaun.

Eis Prezidente Republika hatutan, dezafiu terseiru maka Covid-19 ne’ebé akontese iha mundu tomak hodi estragu sidadaun barak nia vida liu-liu iha Eropa no Asian.

Nia espera katak moras Corona Virus labele too mai Timor-Leste, maibé bele dehan konsege ultrapasa situasaun ida nee. (kyt)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,209
  • Page views today : 1,680
  • Total visitors : 147,961
  • Total page view: 212,308

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur