Notísia foun


Timor Post (18/12/2020)—Udan boot tau maka’as iha loron 17/12/2020 sobu diálogu Prezidente Repúblika Francisco Guterres Lú Olo ho populasaun sira iha Munisípiu Baukau.

Diálogu la’o namanas hela iha ona sesaun husu no hatan, maibé Lú Olo tenke foti desizaun taka diálogu ne’e tanba udan tau maka’as liu tan iha oras 12 liu, tanba populasaun sira halai tún sae hodi buka fatin maran no mosu barullu maka’as.

“Prezidente Repúblika hakarak hatán ba imi-nia preokupasaun hotu maibé situasaun mak la permite,” Lú Olo hatete ba populasaun sira hodi taka kedas diálogu ne’ebé ho tema “Dada Lia ho Lú Olo, Diálogu Sei Hetan Solusaun ba Problema Ne’ebé De’it”.

Lú Olo hala’o vizita ba Baukau iha loron 16/12/2020. Durante loron tolu iha munisípiu ne’e atu haree ho besik kondisaun eskola públika, sentru saúde, atividade produtiva no diálogu ho autoridade lokál no komunidade hodi rona no hatan preokupasoins kona-ba dezenvolvimentu nasionál.

Durante iha Baukau, Xefe Estadu vizita Eskola Sekundária Jerál Kilik Uaigae no Ensinu Báziku Caibada, empreza ACELDA Unip, Grupu Feto Produtores HAFUKU, Ensinu Báziku Sentral Aubaca, Hospital Referal Eduardo Ximenes ‘Horex’, selebrasaun natal hamutuk ho orfaun no ema ho defisiensia, simbolikamente entrega ai-oan ba Adminstradór Postu Administrativu neen no diálogu ho autoridade lokál no komunidade iha munisípiu Baucau. (cao)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 802
  • Page views today : 927
  • Total visitors : 239,388
  • Total page view: 345,490