Notísia foun


Timor Post (12/12/2020)—Primeiru Ministru Taur Matan Ruak lamenta aujénsia deputadu sira husi bankada CNRT iha debate Orsamentu Jerál Estadu (OJE) 2021, maibé kompriende desizaun partidu ne’e nian.

“Ha’u lamenta aujénsia partidu CNRT ninin durante ne’e, tanba iha polítika iha diferénsamaibé diferensa ida ne’e labele halo para ita retira ita nia apoiu ba dezenvlvimentu nasaun nian, maibé sira rasik, desizaun sira nian,” Taur subliña iha nia intervensaun ikus iha debate no aprovasaun final global OJE 2021.

Maske nune’e, Taur dehan, governu hakarak husu CNRT nia apoiu ba dezenvolvimentu nasionál.

“Governu hakarak husu para kontinua nafatin fó sira nia kontribuisaun ba dezenvolvimentu ita nia nasaun ho diferensa saida de’it mak iha,” Taur hatutan.

“Importante ke ita hotu hamutuk para reunia ita nia forsa no kbiit atu dezenvolve ita nia rain liuliu iha momentu krize sira hanesan ne’e, ita tenke hamutuk,” Taur salienta.

Entretantu OJE 2021 ho total billaun $1.895 aprova ho votus unanimidade, a favor 44, laiha kontra no abstensaun.

CNRT la marka prezensa durante debate espesialidade tanba konsidera governu daualu ne’ebé viabiliza husi FRETILIN inkonstitusionál.

Orsamentu 2021 ho montante biliaun $1,895, foti hosi reseita fundu minarai biliaun $1,377 no
reseita naun petrolíferu millaun $508.

Hosi totál reseita fundu minarai biliaun $1,377, millaun $547 foti bazeia Rendimentu Sustentável
Estimadu (RSE) no transferénsia superiór liu RSE millaun $829.

Proposta-lei OJE 2021 kompostu hosi saláriu no vensimentu millaun $239,2, bens (sasán) no
servisu millaun $421,49, transferénsia públika millaun $669,91, kapitál minór millaun $61,14 no
kapitál dezenvolvimentu millaun $503,20. (cao)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,024
  • Page views today : 1,484
  • Total visitors : 146,662
  • Total page view: 210,456

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur