Notísia foun


Timor Post (27/11/2020)—Ministru Trasporte no Komunikasaun (MTK), José Agostinho da Silva rekoñese iha konesementu kona-ba kazu Elit Komputer no Telemor liga internet ilegal. Nune’e, nia deklara prontu ba hatan iha tribunal.

“Sim, ha’u iha koñesimentu. Iha lista lubuk ida ne’ebé mak ita konsidera hansan rede externais,” Ministru José ba Jornalista sira hafoin diskuti assuntu ne’e ho Primeiru Ministru Taur Matan Ruak iha Palásiu Governu, Dili, Sesta (27/11/2020).

Governante ne’e dehan, prosesu ba kazu ne’e la’o hela no husu ba públiku atu hein rejultadu investigasaun hodi hatur lia loos.

“Horsehik ha’u orienta ita nia funsionáriu autoridade nasional komunikasaun atu nune’e no sira seluk katak, prosesu la’o importante ita nia atetude kobtribui ba kolaborasaun hodi fasilita prosesu ne’e la’o,” Ministru José subliña.

Entretantu iha loron 23/11/2020, Polísia Nasionál Timor Leste (PNTL) liuhusi Servisu Investigasaun Kriminal (SIK) kaptura Diretór Elit Komputer ho inisial DP ho Diretór Telekomunikasaun Telemor ho inisiál  TVB tanba deskonfia halo ligasaun ilegal ba internet husi Atambua mai Timor Leste.

Liga ho kazu ne’e, iha loron 26/11/2020, polísia kaptura mós Prezidente Autoridade Nasionál Komunikasaun tanba deskonfia involve iha atividade ilegál. (Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 171
  • Page views today : 194
  • Total visitors : 238,360
  • Total page view: 344,314